ദുരിത ബാധിതര്ക്കുള്ള ധനസഹായം തുടരും…മന്ത്രി കെ രാജന്…
തിരുവനന്തപുരം: മുണ്ടക്കൈ-ചൂരല്മല ദുരിത ബാധിതര്ക്കുള്ള സര്ക്കാര് ധനസഹായ വിതരണം തുടരുമെന്ന് റവന്യു മന്ത്രി കെ രാജന്. പ്രതിമാസം നല്കി വരുന്ന 9000 രൂപ സഹായം വരും മാസങ്ങളിലും തുടരുമെന്ന് മന്ത്രി വാര്ത്താ സമ്മേളനത്തില് അറിയിച്ചു.
ദുരിത ബാധിതര്ക്ക് കഴിഞ്ഞ ഡിസംബര് വരെ ജീവനോപാധി കൊടുത്തിട്ടുണ്ട്. ഈ മാസത്തെ തുക കൊടുക്കാനുള്ള ഓര്ഡര് ഉടന് ഇറങ്ങും. ഉരുള്പ്പൊട്ടലില് ജീവിതോപാധി നഷ്ടപ്പെട്ടവര്ക്കായിരുന്നു സര്ക്കാര് 9,000 രൂപ ധനസഹായം നല്കിയിരുന്നത്. മൂന്ന് മാസം പ്രഖ്യാപിച്ച സഹായം ദുരിതബാധിതരുടെ ആവശ്യത്തിന് പിന്നാലെ ഡിസംബര് വരെ നീട്ടിയിരുന്നു.
