നേമം സഹകരണ ബാങ്കിലും ഭരണസമിതി അംഗങ്ങളുടെ വീട്ടിലും ഇ ഡി റെയ്ഡ്…
തിരുവനന്തപുരം: സിപിഐഎം ഭരണസമിതി 97 കോടിയോളം രൂപയുടെ തട്ടിപ്പ് നടത്തിയെന്നുള്ള പരാതിയില് നേമം സഹകരണ ബാങ്കില് എന്ഫോഴ്സ്മെന്റ് ഡയറക്ട്രേറ്റ് റെയ്ഡ്. കൊച്ചിയില് നിന്നുള്ള ഇ ഡി സംഘമാണ് ബാങ്കിലെത്തിയത്. ഭരണസമിതി അംഗങ്ങളുടെ വീടുകളിലും പരിശോധന നടക്കുകയാണ്.
97 കോടി രൂപയോളമാണ് സിപിഐഎം ഭരണസമിതിയുടെ കാലത്ത് ബാങ്കിൽ തിരിമറി നടന്നത്. മുന് ബാങ്ക് സെക്രട്ടറിമാരായ എ ആര് രാജേന്ദ്ര കുമാര്, എസ് ബാലചന്ദ്രന് നായര്, മുന് പ്രസിഡന്റ് ആർ പ്രദീപ് കുമാർ അടക്കം മൂന്ന് പ്രതികളാണ് ഈ കേസില് ഇതുവരെ പിടിയിലായത്. ഇതില് രാജേന്ദ്രകുമാര് ആണ് ഏറ്റവും അവസാനം പിടിയിലായത്. അന്വേഷണ സംഘത്തിന്റെ കണ്ടെത്തല് പ്രകാരം 31 കോടി രൂപ ഇയാള് കവര്ന്നു.
