അതൊരു ടോക്‌സിക് ബന്ധമായിരുന്നു.. ഏറ്റവും മോശം സമയവും.. സിദ്ധാര്‍ത്ഥുമായുള്ള പ്രണയത്തെ കുറിച്ച് സമാന്ത…
സമാന്ത റുത്ത് പ്രഭുവിന്റെ ജീവിതം എപ്പോഴും സോഷ്യല്‍ മീഡിയയില്‍ വലിയ ചര്‍ച്ചയായി മാറാറുണ്ട്.നടിയുടെ മുന്‍ ഭര്‍ത്താവ് നാഗ ചൈതന്യയും ശോഭിത ധൂലിപാലയും വിവാഹിതരായതിന് പിന്നാലെ നടിയുടെ ഇപ്പോഴത്തെ ജീവിതം കൂടുതല്‍ ചര്‍ച്ചയായി മാറി.ഏറ്റവുമൊടുവില്‍ ഇപ്പോള്‍ സമാന്തയുടെ മുന്‍ പ്രണയവും, അതിനെ കുറിച്ച് നേരത്തെ ഒരു അഭിമുഖത്തില്‍ സമാന്ത പറഞ്ഞ കാര്യങ്ങളുമാണ് ചര്‍ച്ചയാവുന്നത്.
ബജര്‍ദസ്ത എന്ന ചിത്രത്തില്‍ ഒന്നിച്ചഭിനയിച്ചതിന് ശേഷമായിരുന്നു സമാന്തയും സിദ്ധാര്‍ത്ഥും ഡേറ്റിങില്‍ ആയത്.എന്നാല്‍ അത് വിജയകരമായി മുന്നോട്ടു പോയില്ല. 2015 ല്‍ ആണ് ഇരുവരും ബ്രേക്കപ് ആയത്. അതിന് ശേഷം സമാന്ത നാഗ ചൈതന്യയുമായി പ്രണയത്തിലാവുകയും 2017 ല്‍ വിവാഹിതയാവുകയും ചെയ്തു.സിദ്ധാര്‍ത്ഥുമായുള്ള പ്രണയം ജീവിതത്തിലെ ഏറ്റവും മോശം സമയമായിരുന്നു എന്നും, ടോക്‌സിക് ബന്ധമായിരുന്നു എന്നും നടി പറഞ്ഞിരുന്നു.എല്ലാം അവിടെ തീര്‍ന്നു എന്നാണ് കരുതിയത്. സാവിത്രിയുടെ ജീവിതം പോലെ. പക്ഷേ അത് എല്ലാത്തിന്റെയും അവസാനമല്ല, തുടക്കമാണ് എന്ന് അധികം വൈകാതെ ഞാന്‍ തിരിച്ചറിഞ്ഞു.
പിന്നീട് നാഗ ചൈതന്യ ജീവിതത്തിലേക്ക് കടന്ന് വന്നത് അുഗ്രഹമായിട്ടാണ്- സമാന്ത അന്ന് പറഞ്ഞു. പക്ഷേ 2021, നാലാം വിവാഹ വാര്‍ഷികം ആഘോഷിക്കാന്‍ ആഴ്ചകള്‍ ബാക്കി നില്‍ക്കെ ഇരുവരും വേര്‍പിരിയുകയായിരുന്നു.
