ന്യൂനമര്ദം….കേരളത്തിൽ ഇന്നും നാളെയും ഈ മൂന്ന് ജില്ലകളിൽ യെല്ലോ അലേർട്ട്…
തെക്കന് ബംഗാള് ഉള്ക്കടലിന് മുകളില് ന്യൂനമര്ദം രൂപപ്പെട്ടു. ഏപ്രില് 8 വരെ വടക്കു പടിഞ്ഞാറ് ദിശയില് തെക്ക് പടിഞ്ഞാറന് ബംഗാള് ഉള്ക്കടലിനു മുകളിലൂടെ സഞ്ചരിക്കുന്ന ന്യൂനമര്ദം തുടര്ന്നുള്ള 48 മണിക്കൂറില് വടക്കു ദിശയില് സഞ്ചരിക്കാന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
കേരളത്തില് ഇന്നും നാളേയും (ഏപ്രില് 7, 8) ഒറ്റപ്പെട്ട സ്ഥലങ്ങളില് ശക്തമായ ഇടിമിന്നലോടു കൂടിയ മഴയ്ക്ക് സാധ്യതയെന്നും കേന്ദ്ര കാലാവസ്ഥാ വകുപ്പ് അറിയിച്ചു. വിവിധ ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലേര്ട്ട് പ്രഖ്യാപിച്ചു. ഇന്ന് ഇടുക്കി, എറണാകുളം, തൃശൂര് ജില്ലകളിലും നാളെ തിരുവനന്തപുരം, കൊല്ലം, പത്തനംതിട്ട ജില്ലകളിലുമാണ് യെല്ലോ യെല്ലൊ അലേർട്ട്.
