എൽഡി ക്ലർക്ക് മുതൽ ഡ്രൈവർ വരെ.. ഗുരുവായൂർ ദേവസ്വത്തിൽ നിരവധി ഒഴിവുകൾ..ഇങ്ങനെ അപേക്ഷിക്കാം..

ഗുരുവായൂർ ദേവസ്വത്തിന് കീഴിലെ വിവിധ തസ്തികകളിലേക്ക് അപേക്ഷ ക്ഷണിച്ച് കേരള ദേവസ്വം റിക്രൂട്ട്മെൻ്റ് ബോർഡ് (കെഡിആർബി). എൽഡി ക്ലർക്ക്, ഹെൽപ്പർ ഉൾപ്പെടെ 38 തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. ഏപ്രിൽ 28ന് രാത്രി 12 മണിവരെ ഉദ്യോഗാർഥികൾക്ക് അപേക്ഷ സമർപ്പിക്കാം.കേരള ദേവസ്വം റിക്രൂട്ട്മെൻ്റ് ബോർഡിൻ്റെ ഔദ്യോഗിക വെബ് സൈറ്റായ www.kdrb.kerala.gov.inലൂടെ ഒറ്റത്തവണ രജിസ്ട്രേഷൻ നടത്തിയ ശേഷം ഓൺലൈനായി സമർപ്പിക്കുന്ന അപേക്ഷകൾ മാത്രമേ സ്വീകരിക്കുകയുള്ളൂ. ഇതിനോടകം രജിസ്ട്രേഷൻ ചെയ്തിട്ടുള്ള ഉദ്യോഗാർഥികൾക്ക് അവരുടെ പ്രൊഫൈൽ വഴി അപേക്ഷ സമർപ്പിക്കാം.

എൽഡി ക്ലർക്ക് മുതൽ ഡ്രൈവർ വരെ; ഗുരുവായൂർ ദേവസ്വത്തിൽ നിരവധി ഒഴിവുകൾ; ഇങ്ങനെ അപേക്ഷിക്കാം

എൽഡി ക്ലർക്ക് (001/2025): 36 ഒഴിവുകൾ
ഗുരുവായൂർ ദേവസ്വത്തിലെ എൽഡി ക്ലർക്ക് തസ്തികയിൽ 36 ഒഴിവുകളിലേക്കാണ് റിക്രൂട്ട്മെൻ്റ് നടത്തുന്നത്. ദൈവത്തിലും ക്ഷേത്രാചാരങ്ങളിലും വിശ്വാസമുള്ള നിശ്ചിതയോഗ്യതയുള്ള ഹിന്ദു മതത്തിൽപ്പെട്ട ഉദ്യോഗാർഥികൾക്ക് അപേക്ഷ സമർപ്പിക്കാമെന്ന് വിജ്ഞാപനത്തിൽ പറയുന്നു. 26,500 മുതൽ 60,700 വരെയാണ് ശമ്പള സ്കെയിൽ. പ്ലസ്ടു അല്ലെങ്കിൽ തത്തുല്യം, കമ്പ്യൂട്ടർ പരിജ്ഞാനം എന്നിവയാണ് യോഗ്യത. 18 മുതൽ 36 വയസ്സ് വരെയാണ് പ്രായപരിധി.

ജനറൽ, ഒബിസി, ജനറൽ ഇഡബ്ലുഎസ് വിഭാഗങ്ങൾക്ക് 500 രൂപയാണ് പരീക്ഷാ ഫീസ്. എസ്‍സി/ എസ്ടി വിഭാഗത്തിന് 250 രൂപയും. കേരള ദേവസ്വം റിക്രൂട്ട്‌മെൻ്റ് ബോർഡിൻ്റെ അപേക്ഷ സമർപ്പിക്കുന്നതിനുള്ള വെബ് പോർട്ടലിലെ പേമെൻ്റ് ഗേറ്റ് വേ വഴി ഓൺലൈനായാണ് പരീക്ഷാ ഫീസ് അടയ്ക്കേണ്ടത്. കൂടുതൽ വിവരങ്ങൾ www.kdrb.kerala.gov.in എന്ന വെബ്സൈറ്റ് സന്ദർശിക്കാം.

മറ്റ് തസ്തികകൾ
ഹെൽപ്പർ
സാനിറ്റേഷൻ വർക്കർ
ഗാർഡനർ
കൗ ബോയ്
ലിഫ്റ്റ് ബോയ്
റൂം ബോയ്
പ്ലംബ‍ർ
ലൈവ്സ്റ്റോക്ക് ഇൻസ്പെക്ടർ ഗ്രേഡ് 2
വെറ്ററിനറി സർജൻ
എൽഡി ടൈപ്പിസ്റ്റ്
അസിസ്റ്റൻ്റ് ലൈൻമാൻ
ശാന്തിക്കാ‍ർ
ലാമ്പ് ക്ലീന‍ർ
കലാനിലയം സൂപ്രണ്ട്
കൃഷ്ണനാട്ടം കോസ്റ്റ്യൂം മേക്കർ ആശാൻ
കൃഷ്ണനാട്ടം സ്റ്റേജ് അസിസ്റ്റൻ്റ്
കൃഷ്ണനാട്ടം ഗ്രീൻ റൂം സേർവൻ്റ്
താളം പ്ലയ‍ർ
ടീച്ചർ (മദ്ദളം) വാദ്യ വിദ്യാലയം
ടീച്ചർ (തമില) വാദ്യ വിദ്യാലയം
വർക്ക് സൂപ്രണ്ട്
ആനച്ചമയ സഹായി
അസിസ്റ്റൻ്റ് ലൈബ്രേറിയൻ ഗ്രേറ്റ് 1
കമ്പ്യൂട്ടർ ഓപ്പറേറ്റർ/ ഡാറ്റ എൻട്രി ഓപ്പറേറ്റർ
കമ്പ്യൂട്ടർ സ്പെഷ്യൽ അസിസ്റ്റൻ്റ്
ഡെപ്യൂട്ടി സിസ്റ്റം അഡ്മിനിസ്ട്രേറ്റർ
ജൂനിയർ പബ്ലിക് ഹെൽത്ത് നഴ്സ്
മെഡിക്കൽ ഓഫീസർ (ആയു‍ർവേദ)
ആയ (ഗുരുവായൂർ ദേവസ്വം ഇംഗ്ലീഷ് മീഡിയം സ്കൂൾ)
ഓഫീസ് അറ്റൻഡൻ്റ്
സ്വീപ്പർ (ഗുരുവായൂർ ദേവസ്വം ഇംഗ്ലീഷ് മീഡിയം സ്കൂൾ)
ലാബ് അറ്റൻഡർ (ഗുരുവായൂർ ദേവസ്വം ഇംഗ്ലീഷ് മീഡിയം സ്കൂൾ)
എൽഡി ക്ലർക്ക് (ഗുരുവായൂർ ദേവസ്വം ഇംഗ്ലീഷ് മീഡിയം സ്കൂൾ)
കെജി ടീച്ചർ (ഗുരുവായൂർ ദേവസ്വം ഇംഗ്ലീഷ് മീഡിയം സ്കൂൾ)
ജൂനിയർ ഹെൽത്ത് ഇൻസ്പെക്ടർ (ഗ്രേഡ് 2)
ഡ്രൈവർ ഗ്രേഡ് 2
മദ്ദളം പ്ലയർ (ക്ഷേത്രം)

www.kdrb.kerala.gov.in എന്ന വെബ്സൈറ്റിൽ ഓരോ തസ്തികകളുടെയും വിശദമായ വിജ്ഞാപനം ലഭ്യമാകും.