പ്രണയാഭ്യർത്ഥന നിരസിച്ചു.. വീട്ടമ്മയെ യുവാവ് കഴുത്തിൽ കുത്തി…
വീട്ടമ്മയെ യുവാവ് കഴുത്തിൽ കത്തി കൊണ്ട് കുത്തി പരുക്കേൽപിച്ചു. കോഴിക്കോട് അത്തോളിയിലാണ് സംഭവം.പേരാമ്പ്ര സ്വദേശിയായ യുവതിക്ക് നേരെയാണ് ആക്രമണമുണ്ടായത്. പ്രണയാഭ്യർത്ഥന നിരസിച്ചതിനെ തുടർന്ന് കുടക്കല്ല് സ്വദേശി മഷ്ഹൂദ് ആണ് ടെക്സ്റ്റൈൽ ജീവനക്കാരിയായ യുവതിയെ ആക്രമിച്ചത്. കഴുത്തിന് കുത്തേറ്റ യുവതിയെ ആശുപത്രിയിൽ പ്രവേശിപ്പിച്ചു. അത്തോളി സഹകരണ ആശുപത്രിക്ക് സമീപത്തുവച്ചായിരുന്നു സംഭവം. യുവതിയുടെ പരാതിയിൽ മഷ്ഹൂദിനെതിരെ വധശ്രമത്തിന് കേസെടുത്തു.
വീട്ടിലേക്ക് കയറുന്ന ഇടവഴിയിൽ വച്ചാണ് യുവാവ് യുവതിയെ ആക്രമിച്ചത് . ശബ്ദം കേട്ട് ആളുകൾ ഓടി എത്തിയതോടെ പ്രതി രക്ഷപെടുകയായിരുന്നു.വീട്ടമ്മയെ സ്വകാര്യ ആശുപത്രിയിൽ പ്രവേശിപ്പിച്ചു.പൊലീസ് അന്വേഷണം ആരംഭിച്ചു.
