എലത്തൂര്‍ റെയില്‍വേ സ്റ്റേഷനില്‍ സൂക്ഷിച്ച പാലത്തിന്റെ ഇരുമ്പു പ്ലേറ്റുകള്‍ ….മൂന്നംഗ സംഘം ….
കൊച്ചി: എലത്തൂര്‍ റെയില്‍വേ സ്റ്റേഷനില്‍ സൂക്ഷിച്ച പാലത്തിന്റെ ഇരുമ്പ് പ്ലേറ്റുകള്‍ മോഷ്ടിച്ച മൂന്നംഗ സംഘം അറസ്റ്റില്‍. വെങ്ങളം സ്വദേശി ട്രിനിറ്റിയില്‍ സി. അക്ഷയ് (അപ്പു-33), അത്തോളി റോഡ് കുനിയില്‍ കടവിന് സമീപം ആക്രിക്കട നടത്തുന്ന കോടശേരി നടുച്ചാല്‍ ലക്ഷംവീട് കോളനിയിലെ ആനന്ദജ്യോതി, വെങ്ങളം റെയില്‍വേ മേല്‍പാലത്തിന് സമീപം ആക്രി കച്ചവടം നടത്തുന്ന കല്‍പറ്റ മടക്കിമല സ്വദേശി പര്‍ലികുന്ന് വീട്ടില്‍ കെ.ടി. ശെല്‍വരാജ് (31) എന്നിവരെയാണ് അറസ്റ്റ് ചെയ്തത്.
റെയില്‍വേ സ്റ്റേഷന്‍ പരിസരത്ത് സൂക്ഷിച്ചിരുന്ന ഇരുമ്പ് ഉപകരണങ്ങള്‍ മോഷ്ടിച്ച അക്ഷയ് ഇവ ആക്രിക്കടകളില്‍ വില്‍ക്കുകയായിരുന്നു. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
