വീട്ടിൽ ഉറങ്ങി കിടക്കുവായിരുന്ന പിഞ്ച് കുഞ്ഞിനെ തട്ടിക്കൊണ്ട് പോകാൻ ശ്രമം..നാടോടി സ്ത്രീകൾ പിടിയിൽ…

കോട്ടയം പുതുപ്പള്ളിയിൽ വീട്ടിൽ ഉറങ്ങിക്കിടക്കുകയായിരുന്ന ആറ് മാസം പ്രായമുള്ള കുഞ്ഞിനെ തട്ടിക്കൊണ്ടു പോകാൻ ശ്രമം.രാവിലെ 11 മണിയോടെയാണ് സംഭവം. വീട്ടിലെ തൊട്ടിലിൽ ഉറങ്ങി കിടക്കുകയായിരുന്ന കുട്ടിയെ നാടോടി സ്ത്രീകൾ തട്ടികൊണ്ടുപോകാൻ ശ്രമിക്കുകയായിരുന്നു.

ഒരാഴ്ച്ച മുൻപ് പ്രദേശത്ത് എത്തിയ സ്ത്രീകൾ കുട്ടിയെ നോക്കിവെച്ച ശേഷം പിന്നീട് വന്ന് കുഞ്ഞിനെ കടത്തി കൊണ്ടുപോവാൻ ശ്രമിക്കുകയുമായിരുന്നു. വീടിനകത്ത് കയറി കുഞ്ഞിനെ കൈക്കലാക്കിയ നാടോടി സ്ത്രീകൾ ഷാളിൽ പുതച്ച് പുറത്തേക്കിറങ്ങുകയായിരുന്നു. ഇത് ശ്രദ്ധയിൽപ്പെട്ട അമ്മ ഇവർക്ക് പിന്നാലെ ഓടി കുഞ്ഞിനെ രക്ഷപ്പെടുത്തുകയായിരുന്നു.സംഭവത്തിൽ മൂന്നു നാടോടി സ്ത്രീകളെ പൊലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്.