എൻഐഎ സംഘത്തിന് നേരെ ആക്രമണം..അക്രമി സംഘത്തിൽ സ്ത്രീകളും…
2022 ലെ സ്ഫോടനക്കേസ് അന്വേഷിക്കാനെത്തിയ എൻഐഎ സംഘത്തിന് നേരെ ആക്രമണം.സംഭവത്തിൽ രണ്ട് ഉദ്യോഗസ്ഥർക്ക് പരിക്കേറ്റു .പശ്ചിമ ബംഗാളിലെ ഭൂപതിനഗറില്‍ വച്ച് സ്ത്രീകളും പുരുഷൻമാരും അടങ്ങുന്ന സംഘം എൻഐഎയുടെ വാഹനത്തിന് നേരെ കല്ലെറിയുകയും അക്രമിക്കുകയുമായിരുന്നു .
മുളവടിയുമെന്തിയാണ് ആള്‍ക്കൂട്ടം എൻഐഎ ക്ക് നേരെ എത്തിയത്. കേന്ദ്രസേന ഇടപെട്ട് വലിയ സംഘർഷങ്ങളിലേക്ക് പോവാതെ ആള്‍ക്കൂട്ടത്തെ പിരിച്ചുവിട്ടു. സ്ഫോടനക്കേസുമായി ബന്ധപ്പെട്ട് രണ്ട് തൃണമൂല്‍ നേതാക്കളെ എൻഐഎ സംഘം കസ്റ്റെഡിയിലെടുത്തു. ആക്രമണത്തില്‍ അന്വേഷണ സംഘം പരാതി നൽകുകയും ചെയ്തിട്ടുണ്ട്. ആക്രമണത്തിന് പിന്നില്‍ തൃണമൂൽ കോണ്‍ഗ്രസാണെന്നും സംസ്ഥാനത്ത് നിയമവാഴ്ചയില്ലാതായെന്നും ബിജെപി കുറ്റപ്പെടുത്തി.
