28 വർഷമായി ഒളിവിൽ…വിദേശത്ത് നിന്നെത്തിയ കള്ളനോട്ട് കേസ് പ്രതി പിടിയിൽ….

ആലപ്പുഴ: ഇരുപത്തിയെട്ടു വർഷമായി ഒളിവിൽ കഴിഞ്ഞിരുന്ന കള്ളനോട്ട് കേസിലെ മൂന്നാം പ്രതിയെ ആലപ്പുഴ ക്രൈംബ്രാഞ്ച് അറസ്റ്റ് ചെയ്തു. ചെങ്ങന്നൂർ പൊലീസ് സ്റ്റേഷനിൽ രജിസ്റ്റർ ചെയ്ത കേസിലെ മൂന്നാം പ്രതിയായ രാജേഷ് രാമചന്ദ്രനെയാണ് (52) വിദേശത്ത് നിന്നെത്തിയപ്പോൾ തിരുവനന്തപുരം വിമാനത്താവളത്തിൽവച്ച് പിടികൂടിയത്. പൊലീസ് സൂപ്രണ്ടിന്റെ നിർദേശാനുസരണം ഇയാൾക്കെതിരെ ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. മേയ് 14ന് വിമാനത്താവളത്തിൽ എത്തിയപ്പോൾ അധികൃതർ വിവരം അറിയിക്കുകയായിരുന്നു.