ഫോട്ടോജേര്ണലിസ്റ്റ് എന് പി ജയന് അന്തരിച്ചു…
മുതിര്ന്ന ഫോട്ടോ ജേണലിസ്റ്റ് എന് പി ജയന്(57) അന്തരിച്ചു. ദി ന്യൂ ഇന്ത്യന് എക്സ്പ്രസ് പത്രത്തില് ദീര്ഘകാലം സേവനമനുഷ്ഠിച്ചിരുന്നു. ശനിയാഴ്ച വയനാട്ടിലെ നെന്മേനിക്കുന്നിലുള്ള വസതിയില് മരിച്ച നിലയില് കണ്ടെത്തുകയായിരുന്നു.ദി ന്യൂ ഇന്ത്യന് എക്സ്പ്രസില് ദീര്ഘകാലം സേവനമനുഷ്ഠിച്ച ശേഷം, സ്വതന്ത്ര ഫോട്ടോഗ്രാഫര് ആയിരുന്ന അദ്ദേഹം ‘വിബ്ജ്യോര്’ എന്ന പേരില് ഒരു സ്റ്റുഡിയോയും അദ്ദേഹം നടത്തിയിരുന്നു. അവസാന വര്ഷങ്ങളില് പരിസ്ഥിതി, വന്യജീവി വിഷയങ്ങളിലായിരുന്നു ശ്രദ്ധ കേന്ദ്രീകരിച്ചിരുന്നത്. സൈലന്റ് വാലി വനത്തില് ഒരു വര്ഷത്തോളം താമസിച്ച് അദ്ദേഹം ചിത്രങ്ങള് പകര്ത്തി. 20ാമത്തെ വയസിലാണ് അദ്ദേഹം ഫോട്ടോഗ്രാഫറായി ജോലി തുടങ്ങുന്നത്. ദ ഹിന്ദു, ഡെക്കാന് ഹെറാള്ഡ്, ഡൗണ് ടു ഏര്ത്, മാധ്യമം, മാതൃഭൂമി തുടങ്ങിയ പത്ര, മാഗസിനുകള്ക്കും വേണ്ടി ചിത്രങ്ങള് പകര്ത്തി.
