‘കാല് തല്ലിയൊടിക്കും’..കൊലവിളി പ്രസംഗവുമായി കെഎസ്‍യു സംസ്ഥാനസെക്രട്ടറി..അസഭ്യവർഷവും…
മലപ്പുറം വളയംകുളത്ത് എസ്എഫ്ഐ പ്രവർത്തകർക്കെതിരെ കൊലവിളി പ്രസംഗവും അസഭ്യവർഷവും നടത്തി കെഎസ്‍യു നേതാവ് . വളയംകുളം അസബ കോളേജിനു മുന്നിൽ നടത്തിയ പ്രസംഗത്തിലാണ് കെഎസ്‍യു സംസ്ഥാന സെക്രട്ടറി കണ്ണൻ നമ്പ്യാർ ഭീഷണി മുഴക്കിയത്. ‘വെല്ലുവിളിയല്ല, താക്കീതാണ്. പഠിക്കാൻ വന്നാൽ പഠിച്ച് പോണം. അല്ലെങ്കിൽ ….. കാല് ഞാൻ തല്ലിയൊടിക്കും’എന്നാണ് കണ്ണൻ നമ്പ്യാർ ഭീഷണി മുഴക്കിയത്.
അസഭ്യ വാക്കുകളും ഇയാൾ പ്രയോഗിക്കുന്നുണ്ട്. ‘എന്നൊക്കൊണ്ട് വേറെ പണി ചെയ്യിപ്പിക്കരുത്’ എന്നും കണ്ണൻ നമ്പ്യാർ ഭീഷണി മുഴക്കി.പ്രസംഗത്തിൽ ഉടനീളം ഭീഷണിയും അസഭ്യവും നിറഞ്ഞിരുന്നു.ഇതിന്റെ വീഡിയോ സോഷ്യൽമീഡിയയിൽ വ്യാപകമായി പ്രചരിക്കുന്നുണ്ട്.
