അങ്കണവാടി ജീവനക്കാരിയെ അടിച്ചുവീഴ്ത്തി സ്വർണമാല കവർന്നു.. പ്രതി പിടിയിൽ

ഇരിങ്ങണ്ണൂരിൽ അങ്കണവാടി ജീവനക്കാരിയെ അടിച്ചുവീഴ്ത്തി സ്വർണ്ണ മാല കവർന്ന കേസിലെ പ്രതി അറസ്റ്റിൽ. കാസർകോഡ് കീഴൂർ ചന്ദ്രഗിരി സ്വദേശി ഷംനാസ് മൻസിലിൽ മുഹമ്മദ് ഷംനാസ് (32)നെയാണ് നാദാപുരം പോലീസ് അറസ്റ്റ് ചെയ്തത്.

ജൂലായ് മാസത്തിലാണ് കേസിനാസ്പമായ സംഭവം നടന്നത്. ഇരിങ്ങണ്ണൂർ അങ്കണവാടിയിലേക്ക് പോവുന്നതിനിടെ കുമ്മങ്കോട് സ്വദേശിനി ഉഷയുടെ മൂന്നര പവൻ മാല പിടിച്ചുപറിക്കുകയും പ്രതി സ്‌കൂട്ടറിൽ രക്ഷപ്പെടുകയുമായിരുന്നു. തലശ്ശേരി മേഖലയിൽ വ്യാപകമായി സ്വർണ്ണാഭരണങ്ങൾ കവർന്ന കേസിലെ പ്രതിയായ ഇയാളെ കാസർകോട് എസ്പിയുടെ സ്‌ക്വാഡ് അംഗങ്ങളാണ് പിടികൂടിയത്. റിമാന്റിലായ പ്രതിയുടെ അറസ്റ്റ് നാദാപുരം പോലീസ് രേഖപ്പെടുത്തി. കാസർകോട് ,കണ്ണൂർ ജില്ലകളിൽ പ്രതിക്കെതിരെ 12 കേസുകൾ നിലവിൽ ഉണ്ടെന്നും കേസുകൾ വിവിധ കോടതികളിൽ വിചാരണ നടക്കുകയാണെന്നും പോലീസ് അറിയിച്ചു.