പട്ടാപ്പകൽ വീട്ടിൽ മോഷണം….മോഷ്ടാവ് കവർന്നത്…
പട്ടാപ്പകൽ വീട്ടിൽ മോഷണം. വീടിനുള്ളിൽ കടന്ന മോഷ്ടാവ് 10 പവൻ സ്വർണാഭരണങ്ങളും ഒരുലക്ഷം രൂപയും കവർന്നു. പൂപ്പാറ തോമ്പ്രകുടി ജോഷിയുടെ വീട്ടിലാണ് കവർച്ച നടന്നത്. ഈ സമയം ഇവിടെയെത്തിയ വീട്ടമ്മയുടെ മുന്നിലൂടെ മോഷ്ടാവ് ഓടി രക്ഷപ്പെടുകയായിരുന്നു. ശാന്തൻപാറ പോലീസ് സ്ഥലത്തെത്തി അന്വേഷണം ആരംഭിച്ചു.
വ്യാഴാഴ്ച വൈകീട്ട് മൂന്ന് മണിയോടെയാണ് സംഭവം നടന്നത് . ജോഷിയും കുടുംബാംഗങ്ങളും കൃഷിയിടത്തിലിറങ്ങിയ സമയത്തായിരുന്നു കവർച്ച. അലമാരകളെല്ലാം തുറന്ന് തിരച്ചിൽ നടത്തിയ മോഷ്ടാവ് ഇവിടെ സൂക്ഷിച്ചിരുന്ന കുടുംബശ്രീ സംഘത്തിൽനിന്ന് വായ്പയെടുത്ത ഒരുലക്ഷം രൂപയും 10 പവനോളം വരുന്ന സ്വർണാഭരണങ്ങളുമാണ് കൊണ്ടുപോയത്.
മോഷ്ടാവിനെക്കണ്ട് സിനി ബഹളം വെച്ചെങ്കിലും ഓടി രക്ഷപ്പെട്ടു. ചുവന്നവസ്ത്രം ധരിച്ച് മുഖം മൂടിയിരിക്കുകയായിരുന്നു. വീട്ടുകാരുടെ രീതികൾ മനസ്സിലാക്കി ആസൂത്രിതമായാണ് മോഷണമെന്ന് പോലീസ് പറഞ്ഞു. പ്രദേശത്തെ സി.സി.ടി.വി. കേന്ദ്രീകരിച്ച് ശാന്തൻപാറ പോലീസ് അന്വേഷണം ആരംഭിച്ചു.
