സര്ക്കാരിനെതിരെ സമസ്ത…
വഖഫ് ബോര്ഡില് മുസ്ലിം ഇതര വിഭാഗങ്ങളെ ഉള്പ്പെടുത്താനുള്ള നീക്കത്തില് സര്ക്കാരിനെതിരെ വിമര്ശനവുമായി സമസ്ത. സര്ക്കാര് ഹര്ജിക്കാര്ക്കൊപ്പമാണെന്ന് സമസ്ത ഏകോപന സമിതി അംഗം സത്താര് പന്തല്ലൂര് പറഞ്ഞു. ഹര്ജിക്കാരുടെ താല്പര്യം നിഗൂഢമാണ്. ആരാണ് ഹര്ജിക്കാരെന്ന് പരിശോധിച്ചാല് ഇക്കാര്യം ബോധ്യമാകും.
ഈ ഹര്ജിക്കാര്ക്ക് കുട പിടിക്കുന്ന സംസ്ഥാന സര്ക്കാരിന്റെ അഭിഭാഷകന് ആരുടെ വക്കാലത്താണ് ഏറ്റെടുത്തിരിക്കുന്നതെന്നും സന്താർ പന്തല്ലൂർ ചോദിച്ചു. ഫേസ്ബുക്ക് പോസ്റ്റിലൂടെയായിരുന്നു സത്താര് പന്തല്ലൂരിന്റെ പ്രതികരണം. വഖഫ് ബോർഡിൽ മുസ്ലിം ഇതര വിഭാഗങ്ങളെ ഉൾപ്പെടുത്താനുള്ള സർക്കാർ നീക്കം ബിജെപി താൽപര്യം സംരക്ഷിക്കുന്നതാണെന്നുള്ള ആക്ഷേപവും ഉയർന്നിട്ടുണ്ട്.
