ശബരിമല നട നാളെ തുറക്കും…വെര്ച്വല് ക്യൂ ബുക്കിങ്
പത്തനംതിട്ട: കര്ക്കിടക മാസ പൂജയ്ക്കായി ശബരിമല നട വ്യാഴാഴ്ച തുറക്കും. വൈകീട്ട് 5 മണിക്ക് തന്ത്രി കണ്ഠരര് മഹേഷ് മോഹനരുടെ സാന്നിധ്യത്തില് മേല്ശാന്തി പ്രസാദ് ഇ ഡി നട തുറന്ന് ദീപം തെളിയിക്കും.
ശേഷം പതിനെട്ടാം പടിക്ക് താഴെ ആഴിയില് അഗ്നി പകരും. കര്ക്കടക മാസം ഒന്നാം തീയതിയായ ജൂലൈ 17ന് രാവിലെ അഞ്ചുമണിക്കാണ് ദര്ശനത്തിനായി നട തുറക്കുക. കര്ക്കടകം ഒന്ന് മുതല് വൈകീട്ട് ദീപാരാധനയ്ക്ക് ശേഷം പതിനെട്ടാം പടിയില് പടിപൂജ ഉണ്ടായിരിക്കും.
കര്ക്കടക മാസ പൂജകള് പൂര്ത്തിയാക്കി ജൂലൈ 21 ന് രാത്രി 10 മണിക്ക് ശബരിമല നട അടയ്ക്കും. കര്ക്കടക മാസ പൂജയുമായി ബന്ധപ്പെട്ട് ശബരിമല ദര്ശനം നടത്താന് ആഗ്രഹിക്കുന്ന ഭക്തര് വെര്ച്വല് ക്യൂ വെബ്സൈറ്റ് (www.sabarimalaonline.org) വഴി ദര്ശനത്തിനുള്ള സ്ലോട്ടുകള് ഉറപ്പാക്കണം.
