MG സർവകലാശാല സെനറ്റ്… ‘സംഘപരിവാർ അനുകൂലികളെ കുത്തിനിറച്ച ഗവർണറുടെ നടപടിക്കെതിരെയുള്ള UDFൻ്റെ മൗനാനുവാദം അപകടം’…
എംജി സര്വകലാശാല സെനറ്റിലേക്ക് ആര്എസ്എസ്-ബിജെപി പശ്ചാത്തലമുള്ളവരെ ഗവര്ണര് നാമനിര്ദ്ദേശം ചെയ്തതിനെതിരെ പി എ മുഹമ്മദ് റിയാസ് എംഎല്എ. എംജി സര്വകലാശാല സെനറ്റില് മാനദണ്ഡങ്ങളും ചട്ടങ്ങളും ലംഘിച്ചുകൊണ്ട് സംഘപരിവാര് അനുകൂലികളെ കുത്തിനിറച്ച ചാന്സലര് കൂടിയായ ഗവര്ണറുടെ നടപടിക്കെതിരെ യുഡിഎഫ് സര്ക്കാരിന്റെ മൗനാനുവാദം അപകടകരമാണെന്ന് റിയാസ് പറഞ്ഞു.
സര്വകലാശാലകള് മതവര്ഗീയ പ്രസ്ഥാനങ്ങളുടെ പരീക്ഷണശാലകളല്ലെന്നും അതുകൊണ്ടുതന്നെ സര്വകലാശാലകളുടെ കാവിവല്ക്കരണത്തിനെതിരായ പോരാട്ടം കേരളത്തിന്റെ ഭാവിയെ സംരക്ഷിക്കാനുള്ള പോരാട്ടമാണെന്നും റിയാസ് ഫേസ്ബുക്ക് പോസ്റ്റില് കുറിച്ചു.
