മുതിർന്ന കോൺഗ്രസ് നേതാക്കൾ ഇങ്ങനെ പച്ചക്കള്ളം പറയരുത്… എം എ ബേബി…
പത്തനംതിട്ട: സിപിഐഎം-ബിജെപി ഡീല് ആരോപണം മുമ്പും വന്നിട്ടുണ്ടെന്നും അന്ന് ആരോപണം നനഞ്ഞ പടക്കം പോലെയായെന്നും സിപിഐഎം ജനറല് സെക്രട്ടറി എം എ ബേബി. പത്തനംതിട്ടയില് നടത്തിയ വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം.
ഇപ്പോള് ഡീല് ആരോപണം വീണ്ടും നടത്തുകയാണ്. സിപിഐഎം- ബിജെപി ഡീല് എന്നത് പച്ചക്കള്ളമാണെന്നും അദ്ദേഹം പറഞ്ഞു. മുതിര്ന്ന നേതാക്കള് ഇങ്ങനെ പച്ചക്കള്ളം പറയരുത്. ത്രിപുരയില് ഇടതുപക്ഷ ഭരണം അവസാനിക്കാന് കാരണം കോണ്ഗ്രസാണ്. 2013-ല് ത്രിപുരയില് ബിജെപിക്ക് ഒരു സീറ്റ് പോലുമില്ല. 60 അംഗങ്ങള് ഉള്ള ഇടത്ത് കോണ്ഗ്രസിന് ആറ് അംഗങ്ങള് ഉണ്ടായിരുന്നു. കോണ്ഗ്രസ് അംഗങ്ങള് തൃണമൂല് കോണ്ഗ്രസ് ആയി മാറി. കോണ്ഗ്രസ് വോട്ടുകള് മുഴുവന് ത്രിപുരയില് ബിജെപി വോട്ടുകള് ആയി മാറി. അങ്ങനെയാണ് ത്രിപുരയില് ബിജെപി ഭരണം വന്നതെന്നും എംഎ ബേബി പറഞ്ഞു.
