പുഴയില് മുഖം കഴുകവെ പിന്നില് കാട്ടാന എത്തി…കർഷകത്തൊഴിലാളിയെ…
ടി.കെ. കോളനിയില് കാട്ടാന ആക്രമണത്തില് കര്ഷകത്തൊഴിലാളിക്ക് പരിക്ക്. മുണ്ടേരി അപ്പന്ക്കാപ്പ് സ്വദേശിയും ടി.കെ. കോളനിയില് താമസക്കാരനുമായ വെള്ളുത്തേടത്ത് ദാസനാണ് (54) പരിക്കേറ്റത്. ചൊവ്വാഴ്ച വൈകിട്ട് ആറ് മണിയോടെയാണ് സംഭവം.
കോഴിപ്രമലവാരത്തിലെ സ്വകാര്യ കൃഷിയിടത്തിലെ ജോലി കഴിഞ്ഞ് സഹോദരനും മറ്റ് തൊഴിലാളികള്ക്കുമൊപ്പം മടങ്ങുകയായിരുന്നു ദാസന്. പുന്തോട്ടംകടവ് പുഴയിലിറങ്ങി മുഖം കഴുകുന്നതിനിടെ, സമീപത്തെ കാട്ടില് നിന്നിരുന്ന കാട്ടാന ദാസനെ പിന്നിലൂടെ തുമ്പിക്കൈകൊണ്ട് ചുറ്റിപ്പിടിച്ച് ദുരേക്ക് എറിയുകയായിരുന്നു. ഇതോടെ കൂടെയുള്ളവര് ആനയെ ബഹളം വെച്ച് പിന്തിരിപ്പിച്ചു. ദാസനെ പിന്നീട് നിലമ്പൂര് ജില്ല ആശുപത്രിയില് പ്രവേശിപ്പിച്ചു.
