എടപ്പാള് ശ്രീ എക്കിക്കാവ് ഭഗവതി ക്ഷേത്രം ഉത്സവ വെടിക്കെട്ടിൽ അപകടം; ഒരാൾക്ക് പരിക്ക്
എടപ്പാള് കുറ്റിപ്പാല ശ്രീ എക്കിക്കാവ് ഭഗവതി ക്ഷേത്രത്തിലെ ഉത്സവത്തിനോടനുബന്ധിച്ച് നടത്തിയ വെടിക്കെട്ടിനിടയ്ക്ക് അപകടം. സംഭവത്തിൽ ഒരാള്ക്ക് പരിക്കേറ്റു. അത്താണിപ്പടി സ്വദേശി കണ്ണത്ത് സജീവനാണ് പരിക്കേറ്റത്. ഇയാളുടെ പരിക്ക് ഗുരുതരമല്ല. ഇന്നലെ രാത്രി എട്ടുമണിയോടെയാണ് സംഭവം.
അനുമതിയില്ലാതെ വെടിക്കെട്ട് നടത്തിയതിന് വെടിക്കെട്ടിന്റെ ഭാഗമായി നിന്ന രണ്ടുപേർക്കെതിരെ ചങ്ങരംകുളം പൊലീസ് കേസ് എടുത്തു. സംഭവത്തിൽ പൊലീസ് അന്വേഷണം തുടങ്ങി.
