സ്ത്രീയെ കബളിപ്പിച്ച് തട്ടിയത് 45 ലക്ഷവും സ്വർണവും.. യുവതിയോടൊപ്പം ഒളിവിലായിരുന്ന ‘പാസ്റ്റര്‍ നമ്പൂതിരി’ അറസ്റ്റില്‍…
45ലക്ഷവും പണവും തട്ടിയെടുത്ത് ഒളിവിലായിരുന്ന പാസ്റ്റര്‍ കൊല്ലത്ത് അറസ്റ്റിലായി. ‘പാസ്റ്റര്‍ നമ്പൂതിരി’ എന്ന് അറിയപ്പെടുന്ന കോട്ടയം നാട്ടകം മുളങ്കുഴ ജോസ് ആര്‍ക്കേഡില്‍ ടി പി ഹരിപ്രസാദിനെയാണ് പൊലീസ് കൊല്ലത്തെ ഇയാളുടെ ഫ്‌ളാറ്റില്‍ നിന്ന് അറസ്റ്റ് ചെയ്തത്.
മണർകാട് സ്വദേശിനിയുടെ പണവും സ്വർണവുമാണ് ഇയാൾ തട്ടിയെടുത്തത്. പിന്നീട് കോട്ടയം കുറുമ്പനാടം സ്വദേശിനിയായ യുവതിക്കൊപ്പം തമിഴ്നാട്, ബംഗളൂരു എന്നിവിടങ്ങളിലും കേരളത്തിലെ മറ്റ് ജില്ലകളിലും ഒളിവിൽ കഴിഞ്ഞു വരികയായിരുന്നു.
2023 മുതൽ ഇയാൾ കോട്ടയം മുളങ്കുഴ കേന്ദ്രമായി പെന്തക്കോസ്ത് മിഷൻ ഓഫ് ഇന്ത്യ എന്ന പേരിൽ പ്രാർഥനാ സ്ഥാപനം നടത്തിയിരുന്നു. ഈ സ്ഥാപനത്തിന്റെ ചാരിറ്റി പ്രവർത്തനങ്ങളുടെ മറവിൽ നിരവധി പേരുടെ പണവും സ്വർണ ഉരുപ്പടികളും തട്ടിയെടുത്തിട്ടുണ്ടെന്നും പൊലീസ് പറഞ്ഞു.
