ഫുട്ബോൾ മത്സരത്തിനിടെ കായികാധ്യാപകനെ മർദിച്ച സംഭവം.. നാല് വിദ്യാർഥികൾക്കെതിരെ കേസ്..
മലപ്പുറത്ത് സ്കൂൾ ഫുട്ബോൾ മത്സരത്തിനിടെ കായികാധ്യാപകനെ മർദിച്ച നാല് വിദ്യാർഥികൾക്കെതിരെ പൊലീസ് കേസെടുത്തു.മങ്കട ഉപജില്ല സ്കൂൾ കായിക മേളക്കിടെയാണ് വിദ്യാർഥികൾ അധ്യാപകനെ മർദിച്ചത്.
പരിയാപുരം സെന്റ് മേരീസ് സ്കൂൾ വിദ്യാർഥികൾക്കെതിരെയാണ് കേസെടുത്തത്. കൊളത്തൂർ നാഷണൽ ഹയർ സെക്കണ്ടറിയിലെ കായിക അധ്യാപകൻ ശ്രീരാഗിനാണ് മർദനമേറ്റത്. പെരിന്തൽമണ്ണ പോളി ടെക്നിക് കോളജ് ഗ്രൗണ്ടിൽ നടന്ന ഫുട്ബോൾ മത്സരത്തിനിടെയാണ് മർദനമുണ്ടായത്. ഗോൾ കീപ്പറെ മർദിക്കുന്നത് തടയുന്നതിനിടെയാണ് ശ്രീരാഗിനും മർദനമേറ്റത്.കായികാധ്യാപകനെ മർദിക്കുന്നതിൻറെ ദൃശ്യങ്ങളും പുറത്ത് വന്നു.
