വിൻസിയുടെ തുറന്നുപറച്ചിൽ അഭിനന്ദനാർഹം.. പേര് പറഞ്ഞാൽ നടനെതിരെ കേസെടുക്കും.. പൂർണ പിന്തുണ നൽകി അമ്മ…
ലഹരി ഉപയോഗിച്ച നടനിൽ നിന്ന് സിനിമാ സെറ്റിൽ മോശം അനുഭവമുണ്ടായെന്ന നടി വിൻസി അലോഷ്യസിന്റെ വെളിപ്പെടുത്തലിൽ പ്രതികരണവുമായി അഭിനേതാക്കളുടെ സംഘടന അമ്മ.ആരോപണം സംഘടന ചർച്ച ചെയ്തു.സംഘടനയുടെ അഡ്ഹോക്ക് കമ്മിറ്റിയാണ് നടിയുടെ ആരോപണം ചർച്ച ചെയ്തത്.വിൻസി ഔദ്യോഗികമായി സംഘടനയ്ക്ക് പരാതി നൽകിയിട്ടില്ല. പരാതി നൽകിയാൽ ഉടൻ നടപടിയെന്നും അഭിനേതാക്കളുടെ സംഘടനയുടെ പ്രതികരണം.
വിൻസി ഉന്നയിച്ച കാര്യങ്ങളിൽ പൂർണ പിന്തുണ നൽകുമെന്നും അമ്മ സംഘടന അറിയിച്ചു. ലഹരിക്കെതിരെ ശക്തമായ നിലപാട് സ്വീകരിക്കുമെന്നും സംഘടന അറിയിച്ചു. സിനിമ ചിത്രീകരണത്തിനിടെ ലഹരി ഉപയോഗിച്ച നടൻ തന്നോട് മോശമായി പെരുമാറിയെന്നായിരുന്നു വിൻസിയുടെ വെളിപ്പെടുത്തൽ. ലഹരി ഉപയോഗിക്കുന്നവർക്കൊപ്പം ഇനി അഭിനയിക്കില്ലെന്ന് നടി വ്യക്തമാക്കുകയും ചെയ്തു.എന്നാൽ നടന്റെ പേര് പരാമർശിച്ചിട്ടില്ല. അതേസമയം വിൻസി പരാതിയുമായി മുന്നോട്ടുപോവുകയാണെങ്കിൽ പിന്തുണ നൽകുമെന്ന് ഡബ്ല്യുസിസി വ്യക്തമാക്കി.
