നടൻ വിജയ്ക്ക് നേരെ ചെരിപ്പേറ്.. മലയാളി യുവാവ് പിടിയിൽ.. ചെരിപ്പെറിയാൻ കാരണം…..

തമിഴക വെട്രി കഴകം നേതാവ് വിജയ്‌യുടെ വീടിനുനേരേ ചെരിപ്പെറിഞ്ഞ് മലയാളി യുവാവ്. ചെന്നൈ നീലാങ്കരയിലുള്ള വീടിന്റെ ഗേറ്റിനുമുകളിലൂടെ ഉള്ളിലേക്ക് ചെരിപ്പെറിയുകയായിരുന്നു. വിജയ് വീട്ടിൽ ഉള്ളപ്പോഴായിരുന്നു സംഭവം നടന്നിരിക്കുന്നത് . ടി വി കെ വാർഷികാഘോഷത്തിന് ഒരുക്കങ്ങൾ നടക്കുന്നതിനിടെയായിരുന്നു സംഭവം .

മാനസികവിഭ്രാന്തിയുണ്ടെന്ന് കരുതപ്പെടുന്ന ഇയാളെ സുരക്ഷാജീവനക്കാർ ഓടിച്ചുവിട്ടു. പിന്നീട് മാധ്യമപ്രവർത്തകരെക്കണ്ട ഇയാൾ പരസ്പരവിരുദ്ധമായ മറുപടികളാണ് നൽകിയത്. മലപ്പുറം സ്വദേശിയാണെന്നും രാഷ്ട്രീയത്തിലിറങ്ങിയ വിജയ്‌ക്ക്‌ മുന്നറിയിപ്പുനൽകാനാണ് ഇവിടെയെത്തിയതെന്നും ഇദ്ദേഹം പറഞ്ഞു. ഇദ്ദേഹം പൊലീസ് പിടിയിലാണെന്നും റിപ്പോർട്ടുകൾ ഉണ്ട്.