പ്രസവത്തിന് പിന്നാലെ യുവതി മരിച്ചു…മരണകാരണം കാലാവധി കഴിഞ്ഞ…..

 പശ്ചിമ ബം​ഗാളിൽ പ്രസവത്തിന് പിന്നാലെ യുവതി മരിച്ചു. കാലാവധി കഴിഞ്ഞ സലൈൻ കുത്തിവെച്ചതാണ് മരണകാരണമെന്ന് യുവതിയുടെ കുടുംബം ആരോപിച്ചു. 21കാരിയായ മമോനി റൂയി ദാസ് ആണ് മരിച്ചത്. പ്രസവത്തിന് പിന്നാലെ യുവതിയുടെ ആരോ​ഗ്യനില മോശമാവുകയും ഐസിയുവിൽ പ്രവേശിപ്പിക്കുകയുമായിരുന്നു. പിന്നാലെ മരണപ്പെട്ടു. മറ്റ് രണ്ട് ​ഗർഭിണികൾക്ക് കൂടി സമാന രീതിയിൽ ശാരീരിക അസ്വസ്ഥകൾ ഉണ്ടെന്നാണ് റിപ്പോർട്ട്. ഇരുവരും നിരീക്ഷണത്തിലാണ്.

ബുധനാഴ്ചയായിരുന്നു യുവതി കുഞ്ഞിന് ജന്മം നൽകിയത്. എന്നാൽ ശാരീരിക അസ്വസ്ഥകളെ തുടർന്ന് വ്യാഴാഴ്ച ഐസിയുവിലേക്ക് മാറ്റി. വെള്ളിയാഴ്ചയാണ് യുവതി മരണപ്പെടുന്നത്. സംഭവത്തിന് പിന്നാലെ പത്തം​ഗ സമിതിയെ അന്വേഷണത്തിനായി സംസ്ഥാന ആരോ​ഗ്യ മന്ത്രാലയം നിയോ​ഗിച്ചിട്ടുണ്ട്.

കാലാവധി കഴിഞ്ഞ സലൈൻ ഉപയോ​ഗിച്ചതാണ് മരണ കാരണമെന്നാണ് കുടുംബത്തിന്റെ ആരോപണം. കൃത്യമായ ചികിത്സ ലഭിക്കാത്തതും മരണത്തിലേക്ക് നയിച്ചെന്നും ആരോപണമുണ്ട്. സംഭവത്തിൽ ആശുപത്രി അധികൃതർക്കെതിരെ നടപടിയെടുക്കണം എന്നാവശ്യപ്പെട്ട് പ്രതിഷേധം ശക്തമാണ്.