അൻവറിന് പിന്തുണയുമായി കെ മുരളീധരൻ…

ഫോറസ്റ്റ് ഓഫീസ് തകർത്ത കേസിൽ ജയിലിൽ കഴിയുന്ന പി വി അൻവറിനെ പുകഴ്ത്തിയും മുഖ്യമന്ത്രി പിണറായി വിജയനെ വിമർശിച്ചും കെ മുരളീധരൻ. പിണറായി വിജയൻ കേരള ഹിറ്റ്ലറെന്നും ജനങ്ങൾക്കൊപ്പം നിന്നതിനാണ് പി വി അൻവറിനെ അറസ്റ്റ് ചെയ്തത് എന്നും മുരളീധരൻ കുറ്റപ്പെടുത്തി. പീഡനക്കേസിൽ മുകേഷിനെ സംരക്ഷിച്ച സർക്കാരാണ് അൻവറിനെ വീട് വളഞ്ഞു അറസ്റ്റ് ചെയ്തത്. എ കെ ശശീന്ദ്രൻ മന്ത്രി സ്ഥാനം രക്ഷിക്കാൻ ഉള്ള നെട്ടോട്ടത്തിലാണ് എന്നും വകുപ്പ് നോക്കാനുള്ള സമയം മന്ത്രിക്കില്ല എന്നും കെ മുരളീധരൻ കുറ്റപ്പെടുത്തി.