തിരികെയെത്തിയപ്പോൾ കയറ്റിയില്ല..ഗുണ്ടാനേതാവിനൊപ്പം ഒളിച്ചോടിയ IAS ഉദ്യോഗസ്ഥൻ്റെ ഭാര്യ ജീവനൊടുക്കി..
വീട്ടിൽ കയറ്റാഞ്ഞതിനെ തുടർന്ന് ഗുണ്ടാനേതാവിനൊപ്പം ഒളിച്ചോടിയ ഐ.എ.എസ്. ഉദ്യോഗസ്ഥന്റെ ഭാര്യ ജീവനൊടുക്കി.ശനിയാഴ്ച വിഷംകഴിച്ച് ആത്മഹത്യയ്ക്ക് ശ്രമിച്ച യുവതി ചികിത്സയിലിരിക്കെയാണ് മരിച്ചത്.ഗുജറാത്തിലെ വൈദ്യുതി റെഗുലേറ്ററി കമ്മിഷന് സെക്രട്ടറി രണ്ജീത് കുമാറിന്റെ ഭാര്യ സൂര്യ ജയ്(45) ആണ് മരിച്ചത്. ഐ.എ.എസ്. ഉദ്യോഗസ്ഥനായ രണ്ജീത് കുമാറിന്റെ ഗാന്ധിനഗര് സെക്ടര് 19-ലെ വീട്ടില്വെച്ചാണ് സൂര്യ വിഷംകഴിച്ച് ജീവനൊടുക്കാന് ശ്രമിച്ചത്.
ഒന്പതുമാസം മുന്പാണ് ആണ്സുഹൃത്തും ഗുണ്ടാനേതാവുമായ മഹാരാജ ഹൈക്കോര്ട്ട് എന്നയാള്ക്കൊപ്പം സൂര്യ ഒളിച്ചോടിയത്. ഇതിനുപിന്നാലെ മധുരയില്നിന്ന് 14 വയസ്സുള്ള കുട്ടിയെ തട്ടിക്കൊണ്ടുപോയ കേസില് മഹാരാജയും സൂര്യയും ഇവരുടെ കൂട്ടാളി സെന്തില്കുമാറും പ്രതികളായി. കുട്ടിയുടെ അമ്മയുമായുള്ള സാമ്പത്തിക തര്ക്കത്തെത്തുടർന്നായിരുന്നു കുട്ടിയെ തട്ടികൊണ്ടുപോയത്.എന്നാൽ പിന്നീട് പോലീസ് കുട്ടിയെ കണ്ടെത്തിയിരുന്നു.കേസില് തമിഴ്നാട് പോലീസ് പിടികൂടുമെന്ന് ഭയന്ന് അറസ്റ്റ് ഒഴിവാക്കാനായാണ് ശനിയാഴ്ച സൂര്യ ഭര്ത്താവായ ഐ.എ.എസ്. ഉദ്യോഗസ്ഥന്റെ വീട്ടിലെത്തിയത്. എന്നാല് സൂര്യയെ ഒരിക്കലും വീട്ടില് കയറ്റരുതെന്ന് രണ്ജീത് കുമാര് വീട്ടുജോലിക്കാര്ക്ക് നിര്ദേശം നല്കിയിരുന്നു. ഇതോടെ സൂര്യയ്ക്ക് വീട്ടില് പ്രവേശിക്കാനായില്ല.തുടര്ന്ന് യുവതി വിഷംകഴിച്ച് ജീവനൊടുക്കാന് ശ്രമിച്ചെന്നാണ് പോലീസ് നല്കുന്ന വിശദീകരണം.
വിഷം കഴിച്ച ശേഷം യുവതി തന്നെ 108-ല് വിളിച്ച് ആംബുലന്സ് വരുത്തിയത്. തുടര്ന്ന് ആശുപത്രിയില് പ്രവേശിപ്പിച്ചെങ്കിലും മരിക്കുകയായിരുന്നു.
