മുഖ്യമന്ത്രിയുടെ ദുരിതാശ്വാസ നിധിയിലേക്ക് ധനസഹായവുമായി അഖിലേന്ത്യാ കിസാൻ സഭ…

വയനാട് ഉരുൾപൊട്ടലിൽ ദുരിതബാധിതർക്കുള്ള പുനരധിവാസത്തിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ധനസഹായവുമായി അഖിലേന്ത്യാ കിസാൻ സഭ. എഐകെഎസും കേരള കർഷക സംഘവും (കേരളത്തിലെ എഐകെഎസ് സംസ്ഥാന കമ്മിറ്റി) ദുരിതാശ്വാസ പ്രവർത്തനങ്ങൾക്കായി ഒരു കോടി രൂപ സംഭാവന ചെയ്യും. കൂടാതെ തമിഴ്‌നാട്ടിലെ സെൻട്രൽ കിസാൻ കമ്മിറ്റി അംഗങ്ങൾ അഖിലേന്ത്യാ കിസാൻ സഭയ്ക്ക് ഒരു ലക്ഷം രൂപയുടെ ചെക്ക് കൈമാറി. ഉരുൾപൊട്ടൽ ദുരന്തത്തിൽ ഇരയായവരെ അനുസ്മരിച്ച് സെൻട്രൽ കിസാൻ കമ്മിറ്റി അനുശോചന പ്രമേയം പാസാക്കി.