ബൈക്ക് തൂണിൽ ഇടിച്ച് മറിഞ്ഞു.. യുവാവിന് ദാരുണാന്ത്യം…
വയനാട്: ബൈക്ക് തൂണിൽ ഇടിച്ച് മറിഞ്ഞ് യുവാവ് മരിച്ചു. മേപ്പാടി റിപ്പൺ പൂക്കുത്ത് മുഹമ്മദ് റാഫി (20) ആണ് മരിച്ചത്. ബൈക്കിൽ കൂടെയുണ്ടായിരുന്ന ചേരമ്പാടി മില്ലത്ത് നഗർ മുഹമ്മദ് ഷിബിലാഷിലിന് (17) പരുക്കേറ്റു. ജീപ്പ് തിരിക്കാൻ ശ്രമിക്കുന്നതിനിടെ മറുവശത്തു നിന്ന് എത്തിയ ബൈക്ക് വെട്ടിച്ച് മാറ്റിയപ്പോൾ നിയന്ത്രണം വിട്ട് തൊട്ടടുത്തുണ്ടായിരുന്ന തൂണിൽ ഇടിച്ച് മറിയുകയായിരുന്നു. അപകടത്തിൽപ്പെട്ടവരെ ഉടൻ മേപ്പാടി സ്വകാര്യ മെഡിക്കല്‍ കോളജ് ആശുപത്രിയിൽ പ്രവേശിച്ചു. എന്നാൽ റാഫിയുടെ ജീവൻ രക്ഷിക്കാനായില്ല.
