ഓടുന്ന കാറിന്റെ ബോണറ്റില്‍ ‘സ്പൈഡർമാൻ’..ഒടുവിൽ…
ഡൽഹി നഗരത്തിൽ ഓടുന്ന കാറിന്റെ ബോണറ്റിലിരുന്ന് യാത്രചെയ്ത സ്പൈഡർമാനെ പൊലീസ് പിടികൂടി.ട്രാഫിക് നിയമങ്ങൾ ലംഘിച്ചതിനാണ് ദ്വാരക ട്രാഫിക് പൊലീസ് നജാഫ്ഗഡ് സ്വദേശിയായ ആദിത്യ(20)നെ അറസ്റ്റ് ചെയ്തത്. കാറോടിച്ചിരുന്ന ഗൗരവ് സിങ് (19) എന്നയാളെയും പൊലീസ് പിടികൂടി. സ്പൈഡർമാന്‍റെ വേഷത്തിലുള്ള യുവാവിന്‍റെ കാർ യാത്രയുടെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു. ഇതോടെ അപകടകരമായി വാഹനമോടിക്കൽ, സീറ്റ് ബെൽറ്റ് ധരിക്കാതിരിക്കൽ, പുകപരിശോധന സർട്ടിഫിക്കറ്റ് ഇല്ലാതെ വാഹനമോടിക്കൽ തുടങ്ങി 26,000 രൂപ പിഴയടക്കാനുള്ള കുറ്റം ഇവർക്കുമേൽ ചുമത്തുകയായിരുന്നു.ദ്വാരകയിലെ രാംഫാൽ ചൗക്കിന് സമീപത്ത് നിന്നാണ് പോലീസ് കാറിനെയും സ്പൈഡർമാനെയും കണ്ടെത്തിയത്.
