ഭക്ഷണം കഴിക്കാനെത്തിയ യുവാക്കളെ തട്ടിക്കൊണ്ടുപോയി.. സ്വർണവും ഫോണുമടക്കം എല്ലാം കവർന്നു.. പ്രതികൾ പിടിയിൽ…

കൊച്ചിയിൽ യുവാക്കളെ തട്ടിക്കൊണ്ടുപോയി ഉപദ്രവിച്ച്‌ പണവും സ്വർണവും കവർന്നു. തിരുവനന്തപുരം സ്വദേശിയായ യുവാവിന്റെയും സുഹൃത്തിന്റെയും രണ്ടു പവന്റെ സ്വർണ്ണമാലയും ഐഫോണും 6,400 രൂപയുമാണ് മോഷണ സംഘം കവർന്നത്.

സംഭവത്തിൽ 3 പേർ പിടിയിലായി.കറുകപ്പള്ളി സ്വദേശി ഇർഷാദ് ഇഖ്ബാൽ, എളമക്കര സ്വദേശികളായ ആദിത്ത്, ഇർഫാൻ ഇത്യാസ് എന്നിവരെയാണ് അറസ്റ്റ് ചെയ്തത്.കലൂർ ദേശാഭിമാനി റോഡിലെ ഹോട്ടലിൽ ഭക്ഷണം കഴിക്കാൻ എത്തിയ യുവാക്കളെയാണ് സംഘം തട്ടികൊണ്ട് പോയി മർദ്ദിച്ച ശേഷം പണവും സ്വർണവും കവർന്നത്.