യുവാവിനെ തലയ്ക്കടിച്ചു കൊന്നു.. അയല്വാസി കസ്റ്റഡിയില്…
യുവാവിനെ തലയ്ക്കടിച്ചു കൊന്ന അയൽവാസി പിടിയിൽ.പാലക്കാട് മുണ്ടൂരിലാണ് സംഭവം. മുണ്ടൂര് സ്വദേശി മണികണ്ഠന് ആണ് മരിച്ചത്. ഇന്ന് രാവിലെയാണ് സംഭവം പുറംലോകം അറിഞ്ഞത്. വീട്ടില് ഒറ്റയ്ക്ക് താമസിക്കുകയായിരുന്നു മണികണ്ഠന്. അയല്വാസിയായ വിനോദും സഹോദരനും ഇടയ്ക്കൊക്കെ മദ്യപിക്കാനായി മണികണ്ഠനെ വീട്ടിലേക്ക് വിളിക്കാറുണ്ടെന്ന് നാട്ടുകാര് പറയുന്നു. ഇന്നലെ രാത്രിയിലും സമാനമായ നിലയില് മദ്യപിച്ചിരുന്നതായും നാട്ടുകാര് പറയുന്നു.
ഇതിനിടെ ഉണ്ടായ തര്ക്കമാണ് കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം. നാട്ടുകാര് ചേര്ന്നാണ് അയല്വാസിയായ വിനോദിനെ പിടികൂടി പൊലീസിനെ ഏല്പ്പിച്ചത്. വിനോദിന്റെ സഹോദരന് ഒളിവിലാണ്. വിനോദിന്റെ അമ്മയെയും കസ്റ്റഡിയിലെടുത്ത് പൊലീസ് ചോദ്യം ചെയ്ത് വരികയാണ്. കൊലപാതകത്തിലേക്ക് നയിച്ചതില് വ്യക്തത തേടി കോങ്ങാട് പൊലീസ് അന്വേഷണം ആരംഭിച്ചിരിക്കുകയാണ്
