മത്സ്യബന്ധനത്തിനിടെ വല കടലിൽ കുടുങ്ങി… കുരുക്കഴിക്കാൻ ബോട്ടിൽ നിന്ന് ചാടിയ യുവാവിനെ…
കോഴിക്കോട് വെള്ളയിൽ ഹാർബറിൽ നിന്ന് മത്സ്യബന്ധനത്തിന് പോയ ബോട്ടിൽ നിന്നും ഒരാളെ കാണാതായി. കടലില്‍ കുടുങ്ങിയ വലയുടെ കുരുക്കഴിക്കാൻ ബോട്ടില്‍ നിന്ന് ചാടിയ ഇതര സംസ്ഥാനക്കാരനായ യുവാവിനെയാണ് കാണാതായത്. ‘യാ കാജാ സലാം’ എന്ന ബോട്ടിലെ തൊഴിലാളിയായ ഒഡീഷ സ്വദേശി 35 വയസ്സുകാരനായ അല്ലജാലിനെയാണ് കാണാതായിരിക്കുന്നത്. കോസ്റ്റല്‍ പൊലീസ് എസ്‌ഐ ഹരീഷിന്റെ നേതൃത്വത്തിലുള്ള സംഘവും മത്സ്യതൊഴിലാളികളും തിരച്ചില്‍ നടത്തിയെങ്കിലും കണ്ടെത്താനായിട്ടില്ല. മറൈന്‍ എന്‍ഫോഴ്‌സ്‌മെന്റും കോസ്റ്റ്ഗാര്‍ഡും ചേര്‍ന്ന് ഇന്ന് തിരച്ചില്‍ ആരംഭിച്ചിട്ടുണ്ട്.
