കൊല്ലത്ത് കത്തിക്കുത്ത്.. വിളക്ക് മഹോത്സവം കാണാനെത്തിയ യുവാവിനെ കുത്തിക്കൊന്നു…

കൊല്ലം അഞ്ചാലുംമൂട്ടിൽ മദ്യലഹരിയിലെ കത്തിക്കുത്തിൽ ഒരാൾ മരിച്ചു. ചെമ്മക്കാട് സ്വദേശി അനിൽ കുമാർ (35) ആണ് കൊല്ലപ്പെട്ടത്. ​ഗുരുതരമായി പരിക്കേറ്റ ധനീഷ് എന്നയാളെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

സംഭവത്തിൽ ഒരാളെ അറസ്റ്റ് ചെയ്തിട്ടുണ്ട്. അജിത്തിനെയാണ് അഞ്ചാലുംമൂട് പൊലീസ് കസ്റ്റഡിയിൽ എടുത്തത്.ഇന്ന് രാത്രി 9 മണിയോടെയാണ് കൊലപാതകം നടന്നത്. അ‍ഞ്ചാലുംമൂട് പനയം ക്ഷേത്രത്തിലെ വിളക്ക് മഹോത്സവം കാണാനെത്തിയതായിരുന്നു മൂവർ സംഘം.ഇതിനിടെ ഇവർ തമ്മിൽ വാക്കുതർക്കത്തിലേർപ്പെടുകയും പീന്നീട് അത് കൈയ്യാങ്കളിയിലേക്കും കത്തിക്കുത്തിലും കലാശിക്കുകയായിരുന്നു. പരിക്കേറ്റ അനിൽകുമാറിനെ കൊല്ലം ജില്ലാ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.