തൊണ്ടയിൽ എല്ലുകുടുങ്ങി.. മരണം മുന്നിൽ കണ്ട നായക്ക്..

തൊണ്ടയിൽ എല്ലു കുടുങ്ങി മരണത്തിൻറെ വക്കോളം എത്തിയ നായയെ രക്ഷിച്ചതിന്റെ ചാരിതാർഥ്യത്തിലാണ് വയനാട് പിണങ്ങോട് സ്വദേശി ഒ.നസീറ. തൊണ്ടയിൽ കുടുങ്ങിയ എല്ല് ഇറക്കാനോ തുപ്പാനോ കഴിയാതെ കഷ്ടപ്പെടുന്ന നായയെ കണ്ടതോടെ പിന്നെ ഒന്നും നോക്കിയില്ല. സ്വന്തം മക്കളെ എന്ന പോലെ നായയെ ചേർത്തുപിടിച്ചു. പിന്നെ ഒരു കമ്പെടുത്ത് വളരെ ശ്രദ്ധാപൂർവ്വം നായയുടെ തൊണ്ടയിൽ നിന്നും ആ എല്ലിൻ കഷ്ണം പുറത്തെടുത്തു.

സംസാര ശേഷിയുണ്ടായിരുന്നെങ്കിൽ ‘രക്ഷിക്കണേ’ എന്ന് ആ നായ നിലവിളിക്കുമായിരുന്നു. എന്നാൽ ആ നായയുടെ ദയനീയമായ നോട്ടം മതിയായിരുന്നു നസീറക്ക് മറ്റൊന്നും ചിന്തിക്കാതെ ആ മിണ്ടാപ്രാണിയെ ചേർത്ത് പിടിക്കാനും ജീവിതത്തിലേക്ക് കൈപിടിച്ചു കയറ്റാനും.