ജെൻസണുമായി ഒന്നിച്ച് എത്തേണ്ട സമൂഹ വിവാഹച്ചടങ്ങിൽ ശ്രുതിയെത്തി..ചേര്ത്തുപിടിച്ച് മമ്മൂട്ടി…
മമ്മൂട്ടിയെ കാണാന് ജെൻസണില്ലാതെ ശ്രുതി കൊച്ചിയില്.സമൂഹവിവാഹത്തില് അതിഥിയായി പങ്കെടുത്ത ശ്രുതിക്ക് മമ്മൂട്ടി സമ്മാനവും കൈമാറി.വയനാട് ദുരന്തത്തിൽ സർവതും നഷ്ടപ്പെട്ടപ്പോളും ശ്രുതിക്കായി മാത്രം ജീവിച്ച ജെൻസന്റെ കഥ അറിഞ്ഞ മമ്മൂട്ടി, തന്റെ സഹപ്രവർത്തകർ ഒരുക്കുന്ന സമൂഹ വിവാഹച്ചടങ്ങിൽ ശ്രുതിയെയും ജെൻസനെയും ഉൾപ്പെടുത്തണമെന്ന് നിർദേശിച്ചിരുന്നു. ആ ചടങ്ങിനായുള്ള കാത്തിരിപ്പിനിടയിൽ ആണ് ജെൻസൺ കാറപകടത്തിൽ മരിച്ചത്.
തുടർന്നാണ് ‘ട്രൂത് മംഗല്യം’ വിവാഹ ചടങ്ങ് കഴിഞ്ഞ ദിവസം കൊച്ചിയില് നടന്നപ്പോൾ ശ്രുതി അതിഥിയായി എത്തിയത് . ശ്രുതിക്കായി കരുതി വച്ചതെല്ലാം നേരിട്ട് ഏൽപ്പിക്കണം എന്നായിരുന്നു മമ്മൂട്ടിയുടെ നിർദേശം. അതിന് വേണ്ടിയുള്ള ക്രമീകരണങ്ങൾ ഒരുക്കിയിരുന്നു.മമ്മൂട്ടി തുടർന്ന് തുക ശ്രുതിയെ നേരിട്ട് ഏൽപ്പിക്കുകയായിരുന്നു.
‘ഇതൊരു കടലാസാണ് ഇതിനകത്ത് ചെക്കുമില്ല, എന്നാലും ഇതൊരു പ്രതീകമാണ്, സ്നേഹത്തിന്റെ പ്രതീകം’ എന്നാണ് ശുതിയെ ചേര്ത്തുനിര്ത്തി മമ്മൂട്ടി പറഞ്ഞത്. മ്മൂട്ടിയുടെ പിആർഒ റോബർട്ട് കുര്യക്കോസാണ് സമൂഹമാധ്യമത്തിൽ വീഡിയോ പങ്കുവച്ചത്.
