മലപ്പുറം ജില്ല പ്രത്യേക രാജ്യം.. പ്രത്യേകം ചിലയാളുകളുടെ സംസ്ഥാനമാണത്.. ഈഴവര്ക്ക് സ്വതന്ത്രമായി വായുപോലും ശ്വസിക്കാനാവുന്നില്ല….
മലപ്പുറം ജില്ലക്കെതിരെ വിവാദ പരാമര്ശവുമായി എസ്എന്ഡിപി യോഗം ജനറല് സെക്രട്ടറി
വെള്ളാപ്പള്ളി നടേശന്. മലപ്പുറത്ത് മറ്റു ആളുകള്ക്കിടയില് എല്ലാ തിക്കും തിരക്കും അനുഭവിച്ചും ഭയന്നും ജീവിക്കുന്ന ആളുകളാണിവിടെയുള്ളത്. സ്വതന്ത്രമായ വായുപോലും ഇവിടെ നിങ്ങള്ക്ക് ലഭിക്കുന്നില്ലന്നും അദേഹം പറഞ്ഞു. ചുങ്കത്തറയില് നടന്ന എസ്എന്ഡിപി യോഗത്തില് സംസാരിക്കുകയായിരുന്നു അദ്ദേഹം.സ്വതന്ത്രമായ വായു ശ്വസിച്ചുകൊണ്ട് മലപ്പുറത്ത് നിങ്ങള്ക്ക് ജീവിക്കാന് സാധിക്കുമെന്ന് തോന്നുന്നില്ല. സ്വതന്ത്രമായി ഒരു അഭിപ്രായം പറയാന് പോലും നിങ്ങള്ക്ക് സാധിക്കുകയില്ല. മലപ്പുറം ഒരു പ്രത്യേക രാജ്യമാണ്. പ്രത്യേകം ചിലയാളുകളുടെ സംസ്ഥാനമാണ്. ഇന്ത്യക്ക് സ്വാതന്ത്ര്യം കിട്ടി ഇത്രയും നാളായിട്ടുപോലും സ്വാതന്ത്ര്യത്തിന്റെ ഗുണഫലങ്ങളുടെ ആനൂകൂല്യം ഈ പിന്നോക്കവിഭാഗങ്ങള്ക്ക് മലപ്പുറത്ത് ലഭിച്ചിട്ടില്ലെന്നും അദ്ദേഹം പറഞ്ഞു.
മഞ്ചേരി ഉള്ളത് കൊണ്ടും അദ്ദേഹത്തിന് ചില സ്ഥാപനങ്ങള് ഉള്ളതുകൊണ്ടും നിങ്ങള് കുറച്ച് പേര്ക്ക് വിദ്യാഭ്യാസം ലഭിച്ചു.വെറും വോട്ടുകുത്തി യന്ത്രങ്ങളായി ഇവിടെ ഈഴവ സമുദായം മാറി. സംസ്ഥാനത്താകെ ഈ സാഹചര്യം നിലനില്ക്കുന്നുണ്ട്. എന്നാല്, ഒന്നിച്ച് നില്ക്കാത്തതാണ് ഈ ദുരന്തത്തിന് കാരണം. ഇവിടെ ചിലര് എല്ലാം സ്വന്തമാക്കുകയാണ്. ഈഴവര്ക്ക് തൊഴിലുറപ്പ് പദ്ധതിയില് മാത്രമാണ് ഇടമുള്ളത്. സാമൂഹിക, രാഷ്ട്രീയ നീതി മലപ്പുറത്തെ ഈഴവര്ക്കില്ല. കണ്ണേ കരളെയെന്ന് പറഞ്ഞ് തെരഞ്ഞെടുപ്പ് വേളയില് ചിലരെത്തി വോട്ട് തട്ടിയെടുക്കുകയാണെന്നും വെള്ളാപ്പള്ളി ആരോപിച്ചു.
