100 സീറ്റ് നേടുമെന്ന് ആവര്ത്തിച്ച് വിഡി സതീശൻ….
യു.ഡി.എഫ് 100 സീറ്റ് നേടുമെന്ന് ആവര്ത്തിച്ച് പ്രതിപക്ഷ നേതാവ് വിഡി സതീശൻ. അഞ്ച് ഗ്യാരണ്ടികളും നടപ്പാക്കുമെന്നും കോഴിക്കോട് ബീച്ചിൽ നടന്ന യു.ഡി.എഫ് മഹാറാലിയിൽ വിഡി സതീശൻ പറഞ്ഞു. മഹാറാലിയിൽ കോണ്ഗ്രസ് ദേശീയ അധ്യക്ഷൻ മല്ലികാര്ജുൻ ഖര്ഗെ, കോണ്ഗ്രസ് പ്രവര്ത്തക സമിതി അംഗം സച്ചിൻ പൈലറ്റ്, പാണക്കാട് സാദിഖലി ശിഹാബ് തങ്ങള്, എഐസിസി ജനറൽ സെക്രട്ടറി കെസി വേണുഗോപാൽ, കെ സുധാകരൻ, കെപിസിസി അധ്യക്ഷൻ സണ്ണി ജോസഫ്, ഷാഫി പറമ്പിൽ, എംകെ രാഘവൻ എംപി തുടങ്ങിയ നേതാക്കളും പങ്കെടുത്തു. മഹാ റാലിയിലെത്തിയ ഖര്ഗെ റാംപിലൂടെ നടന്ന് പ്രവര്ത്തകരെ അഭിവാദ്യം ചെയ്തു. കോണ്ഗ്രസിന്റെ അഞ്ച് ഗ്യാരണ്ടികള് പരസ്യപ്പെടുത്തിയുള്ള ബസിന്റെ ഫ്ലാഗ് ഓഫും ഖര്ഗെ നിര്വഹിച്ചു. ആര്ജെഡി നേതാവും മുൻ ഡെപ്യൂട്ടി മേയറുമായ കിഷൻ ചന്ദും പരിപാടിയിൽ പങ്കെടുത്തു.
