വന്ദേഭാരത് ഓട്ടോറിക്ഷയില് ഇടിച്ച സംഭവം; റെയില്വേ പ്രൊട്ടക്ഷന് ഫോഴ്സ് കേസെടുത്തു
വർക്കലയിൽ വന്ദേഭാരത് ട്രെയിന് ഓട്ടോറിക്ഷയില് ഇടിച്ച സംഭവത്തില് കേസെടുത്തു. തിരുവനന്തപുരം റെയില്വെ പ്രൊട്ടക്ഷന് ഫോഴ്സാണ് കേസെടുത്തത്. വര്ക്കല പൊലീസ് പ്രതിയെ ആർപിഎഫിന് കൈമാറി. റെയില്വേയുടെ ഉന്നത ഉദ്യോഗസ്ഥര് ഇന്ന് സ്ഥലത്തെത്തി പരിശോധന നടത്തും. കഴിഞ്ഞദിവസം രാത്രി പത്തുമണിയോടെയാണ് കാസർകോട് നിന്നും തിരുവനന്തപുരത്തേക്ക് വന്ന വന്ദേഭാരത് എക്സ്പ്രസ് വര്ക്കല അകത്ത് മുറി റെയിൽവേ സ്റ്റേഷനിൽ ഓട്ടോയിൽ ഇടിച്ച് അപകടമുണ്ടായത്. ഓട്ടോ ഡ്രൈവർ മദ്യലഹരിയിലായിരുന്നു. റോഡ് ആണെന്ന് തെറ്റിദ്ധരിച്ച് ഇയാൾ വാഹനം പ്ലാറ്റ്ഫോമിലേക്ക് കയറ്റുകയായിരുന്നു.
