കേന്ദ്ര, കാലിക്കറ്റ് സർവകലാശാലകളിൽ ഒഴിവുകൾ
കേരള കേന്ദ്ര സര്‍വകലാശാലയില്‍ ഓഫീസ് അസിസ്റ്റന്റ്,ലാബ് അസിസ്റ്റന്റ്, കാലിക്കറ്റ് സർവകലാശാലയിൽ അസിസ്റ്റന്റ് പ്രൊഫസർ,അമൃതിൽ അർബൻ ഇൻഫ്രാസ്ട്രക്ചർ കം വാട്ടർ എക്സ്പേർട്ട് എന്നീ തസ്തികകളിൽ ഒഴിവുണ്ട്.
കേരള കേന്ദ്ര സര്‍വകലാശാല
കേരള കേന്ദ്ര സര്‍വകലാശാലയില്‍ ഓഫീസ് അസിസ്റ്റന്റ് (എസ്‌സി), ലാബ് അസിസ്റ്റന്റ് – ബയോളജി (എസ്ടി), ലാബ് അസിസ്റ്റന്റ് – കമ്പ്യൂട്ടര്‍ സയന്‍സ് (യുആര്‍) തസ്തികകളിലേക്ക് താത്കാലിക നിയമനത്തിന് അപേക്ഷ ക്ഷണിച്ചു.
ഓരോ ഒഴിവ് വീതമാണുള്ളത്. ബിരുദവും കമ്പ്യൂട്ടര്‍ പരിജ്ഞാനവുമാണ് ഓഫീസ് അസിസ്റ്റന്റ് യോഗ്യത. ലാബ് അസിസ്റ്റന്റ് – ബയോളജി തസ്തികയിലേക്ക് സയന്‍സിലോ ബന്ധപ്പെട്ട വിഷങ്ങളിലോ ബിരുദം അല്ലെങ്കില്‍ മൂന്ന് വര്‍ഷ ഡിപ്ലോമയാണ് യോഗ്യത.
ലാബ് അസിസ്റ്റന്റ് – കമ്പ്യൂട്ടര്‍ സയന്‍സ് തസ്തികയിലേക്ക് കമ്പ്യൂട്ടര്‍ സയന്‍സ് ബിരുദം/ബിസിഎ/ബിടെക് ഇന്‍ ഐടി/ ബന്ധപ്പെട്ട വിഷയങ്ങളില്‍ ബിരുദം എന്നിവയില്‍ ഏതെങ്കിലുമോ മൂന്ന് വര്‍ഷ ഡിപ്ലോമയോ വേണം.
സംവരണ വിഭാഗങ്ങളില്‍ യോഗ്യരായവരില്ലെങ്കില്‍ മറ്റുള്ളവരെ പരിഗണിക്കും. താൽപ്പര്യമുള്ളവര്‍ contract.engage@cukerala.ac.in എന്ന ഇ മെയിലിലേക്ക് സപ്തംബര്‍ എട്ടിനുള്ളില്‍ നിര്‍ദ്ദിഷ്ട മാതൃകയില്‍ അപേക്ഷ അയക്കേണ്ടതാണ്. ഇന്റര്‍വ്യൂ തീയതി പിന്നീട് അറിയിക്കും. കൂടുതല്‍ വിവരങ്ങള്‍ക്ക്: www.cukerala.ac.in സന്ദര്‍ശിക്കുക.
