ആൺസുഹൃത്തുക്കളുമായി ഫോണിൽ സംസാരിക്കുന്നു.. പെൺകുട്ടിയെ കുത്തിക്കൊന്ന് സഹോദരൻ…
ആണ്‍സുഹൃത്തുക്കളുമായി ഫോണില്‍ സംസാരിച്ചതിന് പെണ്‍കുട്ടിയെ സഹോദരന്‍ കൊലപ്പെടുത്തി. ആണ്‍സുഹൃത്തുക്കളുമായി സംസാരിക്കരുതെന്ന് യുവാവ് പറഞ്ഞെങ്കിലും സഹോദരി കേള്‍ക്കാന്‍ കൂട്ടാക്കിയില്ല. ഇത് സഹോദരനെ ചൊടിപ്പിക്കുകയായിരുന്നു.
ഉത്തര്‍പ്രദേശിലെ ഷാജഹാന്‍പൂരില്‍ ഇറ്റോറ ഗോട്ടിയ എന്ന ഗ്രാമത്തിലാണ് നാടിനെ നടുക്കിയ കൊലപാതകമുണ്ടായത്. നൈന ദേവി എന്ന പെണ്‍കുട്ടിയാണ് ദാരുണമായി കൊല്ലപ്പെട്ടത്.പ്രതി കുറ്റം സമ്മതിച്ചതായി പൊലീസ് വ്യക്തമാക്കി. തന്റെ സഹോദരി നിരവധി പുരുഷന്മാരുമായി ഫോണില്‍ സംസാരിക്കുമായിരുന്നുവെന്നും വിവാഹത്തിന് സമ്മതിച്ചിരുന്നില്ലെന്നും പ്രതി ഷേര്‍ സിങ് പറഞ്ഞതായും പൊലീസ് പറഞ്ഞു. ഇതേതുടര്‍ന്നാണ് ഷേര്‍ സിങ് പെണ്‍കുട്ടിയെ കൊലപ്പെടുത്തിയത്.
