കലാശക്കൊട്ടിനിടെ യുഡിഎഫ് പ്രവർത്തകൻ ബസിന് മുകളിൽ നിന്ന് ബാക്ക് ഫ്ലിപ്പ് ചെയ്തു.. ആശുപത്രിയിൽ….

കലാശക്കൊട്ടിനിടെ യുഡിഎഫ് പ്രവർത്തകന്റെ അമിതാവേശം. സ്വകാര്യബസിന്റെ മുകളിൽ നിന്നും ബാക്ക് ഫ്ലിപ്പ് ചെയ്‌ത യുഡിഎഫ് പ്രവർത്തകന് പരിക്ക്. പാലക്കാട്‌ തരൂർ തോണിപ്പാടം കുണ്ടുകാട് ജംഗ്ഷനിൽ നടന്ന കലാശക്കൊട്ടിനിടെയാണ് സംഭവം. പരിക്കേറ്റ പ്രവർത്തകനെ ആശുപത്രിയിൽ പ്രവേശിപ്പിച്ചു.

അതേസമയം, കോഴിക്കോട് കൊട്ടിക്കലാശത്തിനിടെ പ്രചാരണ വാഹനത്തിൽ നിന്നും തെന്നി വീണ് കെപിസിസി ജനറൽ സെക്രട്ടറി കെ ജയന്തിന് പരിക്ക് പറ്റി. പ്രസംഗം കഴിഞ്ഞു ഇറങ്ങുമ്പോഴാണ് അപകടം ഉണ്ടായത്. ജനറേറ്ററിന് മുകളിലേക്കാണ് ജയന്ത് വീണത്. വാരിയെല്ലിന് പരിക്കേറ്റ് ആശുപത്രിയിൽ ചികിത്സയിലാണ് ജയന്ത്.