കാനഡയിൽ ചെറുവിമാനങ്ങൾ കൂട്ടിയിടിച്ച് അപകടം.. മലയാളി വിദ്യാർത്ഥിക്ക് ഉൾപ്പെടെ ദാരുണാന്ത്യം…
കാനഡയിൽ ചെറുവിമാനങ്ങൾ കൂട്ടിയിടിച്ച് ഉണ്ടായ അപകടത്തിൽ രണ്ട് മരണം.മരിച്ചവരിൽ മലയാളി വിദ്യാർത്ഥിയും ഉൾപ്പെടുന്നു. കൊച്ചി സ്വദേശി ശ്രീഹരി സുകേഷാണ് മരിച്ചത്. പരിശീലന പറക്കലിനിടെയാണ് അപകടമുണ്ടായതെന്ന വിവരമാണ് പുറത്തുവരുന്നത്. മാനിട്ടോബ വിമാനത്താവളത്തിന് സമീപമാണ് അപകടമുണ്ടായത്.
മലയാളിയുള്പ്പെടെ രണ്ട് വിദ്യാര്ഥികള് പറത്തിയ വിമാനങ്ങളാണ് അപകടത്തില്പ്പെട്ടത്.സാവന്ന മെയ് റോയ്സ് എന്ന ഇരുപതുകാരിയാണ് കൊല്ലപ്പെട്ട രണ്ടാമത്തെ വിദ്യാര്ഥി.പരിശീലന പറക്കലിനിടെ ഇരുവരും ഒരേ സമയം ലാന്ഡ് ചെയ്യാന് ശ്രമിച്ചതാണ് അപകടത്തിന് ഇടയാക്കിയത്. പരിശീനത്തിന് ഉപയോഗിക്കുന്ന ചെറിയ റണ്വേയില് നിന്ന് ഏതാനും മീറ്ററുകള് അകലെ ആയിരുന്നു അപകടം.
ഹാര്വ്സ് എയര് പൈലറ്റ് പരിശീലന സ്കൂളിന്റെ സിംഗിള് എഞ്ചിന് വിമാനങ്ങളായ സെസ്ന 152, സെസ്ന 172 വിമാനങ്ങളാണ് അപകടത്തില്പ്പെട്ടത്. അപകടത്തിന് പിന്നാലെ ഹാര്വ്സ് എയറിൻ്റെ പ്രവര്ത്തനങ്ങള് താല്ക്കാലികമായി നിര്ത്തിവച്ചു. കാനഡയിലെ ഗതാഗത സുരക്ഷാ ബോര്ഡ് അപകടത്തില് അന്വേഷണം പ്രഖ്യാപിച്ചിട്ടുണ്ട്.
