വീടിന് മുന്നില്‍ ഇരിക്കുകയായിരുന്ന തൃണമൂല്‍ നേതാവിനെ കൊല്ലാന്‍ ശ്രമം…. ക്വട്ടേഷന്‍ ബിഹാറില്‍നിന്ന്…
വീടിന് മുന്നില്‍ ഇരിക്കുകയായിരുന്ന തൃണമൂല്‍ നേതാവിനെ കൊല്ലാന്‍ ശ്രമം. എന്നാൽ, ക്വട്ടേഷന്‍ എടുത്ത വ്യക്തിയുടെ തോക്ക് തകരാറിലായതിനെത്തുടര്‍ന്ന് വധശ്രമത്തില്‍നിന്ന് തൃണമൂല്‍ കോണ്‍ഗ്രസ് നേതാവ് രക്ഷപ്പെടുകയായിരുന്നു. കൊല്‍ക്കത്തയിലെ കസ്ബ ഏരിയയില്‍ കഴിഞ്ഞ ദിവസം രാത്രിയാണ് സംഭവം. ഇതിന്റെ സി.സി.ടി.വി. ദൃശ്യങ്ങള്‍ പുറത്തുവന്നു.
കൊല്‍ക്കത്ത മുനിസിപ്പല്‍ കോര്‍പ്പറേഷന്‍ 108-ാം വാര്‍ഡ് കൗണ്‍സിലര്‍ സുശാന്ത ഘോഷാണ് അദ്ഭുതകരമായി രക്ഷപ്പെട്ടത്. കസ്ബ ഏരിയയിലെ തന്റെ വീടിന് മുന്നില്‍ ഇരിക്കുകയായിരുന്നു സുശാന്ത ഘോഷ്. അന്നേരം ബൈക്കിലെത്തിയ രണ്ടുപേരില്‍ ഒരാള്‍ ഇറങ്ങിവന്ന് ഘോഷിനുനേരെ തോക്കുചൂണ്ടി. രണ്ടുതവണ ഷൂട്ട് ചെയ്‌തെങ്കിലും തോക്ക് പ്രവര്‍ത്തിച്ചില്ല. ബുള്ളറ്റ് പുറത്തുവരുന്നില്ലെന്ന് കണ്ടതോടെ ഘോഷ് കുറ്റവാളിയെ പിടികൂടാനുള്ള ശ്രമം നടത്തി.
