ആകാശപാത നിർമ്മാണ സ്ഥലത്തു നിന്ന് മോഷണം മൂന്ന് പേർ പിടിയിൽ….

അരൂർ: ആകാശപാത നിർമ്മാണ സ്ഥലത്തു നിന്ന് ഡൈനാമിക്ക് ട്രസ്സിംഗ് പ്ലേറ്റ് മോഷ്ടക്കളായ മൂന്ന് പേർ അരൂർ പൊലീസിൻ്റെ പിടിയിൽ. പള്ളൂരുത്തി വെളി കിഴക്കേ തൊമ്മശ്ശേരിൽ സുലൈമാൻ (50), പനങ്ങാട് പുളിയം പള്ളിയിൽ നിയാസ് (38),കളമശ്ശേരി അഭിഭവനത്തിൽ അജിത്ത് (46) എന്നിവരാണ് അരൂർ പൊലീസിൻ്റെ പിടിയിലായത്. പാലത്തിൻ്റെ ബലത്തിന് വേണ്ടി സ്പാനുകളുടെ അടിയിൽ വൈക്കുന്ന ട്രസ്സിംഗ് പ്ലേറ്റ് ആണ് മോഷ്ടിച്ചത്. കാസ്റ്റ് അയണിൽ നിർമ്മിച്ച ഒൻപത് എണ്ണമാണ് മോഷ്ടിച്ചത്. എരമല്ലൂർ സാനിയ തീയറ്ററിന് സമീപത്തു നിന്നാണ് മോഷ്ടിച്ചത്. സാധനങ്ങൾ ഒളിപ്പിച്ച് വച്ച ശേഷം റോഡരികിൽ നിൽക്കുകയായിരുന്നു. ഇവർ. പൊലീസിൻ്റെ പതിവ് പെട്രോളിംഗിനിടെ ഞായറാഴ്ച രാത്രി പത്ത് മണിയോടെ സംശയം തോന്നി പ്പിക്കുന്ന വിധം അരൂർ പാലത്തിന് സമീപം നിൽക്കുന്ന മൂന്ന് പേരെ ചോദ്യം ചെയ്തപ്പോഴാണ് മോഷണം മനസ്സിലാക്കിയത്. പതിനായിരം രൂപ വീതം വരുന്ന 9 ഡൈനാമിക്ക് ഡസ്റ്റിഗ് പ്ലേറ്റുകളാണ് കവർന്നത്. പ്രതികളെ ചേർത്തല കോടതിയിൽ ഹാജരാക്കി.