ചന്ദനത്തടികളുമായി മൂന്നുപേർ പിടിയിൽ
തിരുവനന്തപുരം മംഗലപുരത്ത് വീട്ടിൽ സൂക്ഷിച്ച 17 കിലോ ചന്ദനത്തടികൾ പിടികൂടി. കേസുമായി ബന്ധപ്പെട്ട് മൂന്നുപേരെ വനം വകുപ്പ് അറസ്റ്റ് ചെയ്തു. മംഗലപുരം സ്വദേശി ഷൈൻ, ചെമ്പൂര് സ്വദേശി ജയകൃഷ്ണൻ , സുഹൃത്ത് അജയ് മോഹൻ എന്നിവരാണ് പിടിയിലായത്.
ഷൈനിന്റെ വീട്ടിലെ കാർ പോർച്ചിൽ കെട്ടിയവെച്ചായിരുന്നു ചന്ദനത്തടികൾ സൂക്ഷിച്ചിരുന്നത്. ആറ്റിങ്ങൽ, പള്ളിക്കൽ, ചിറയിൻകീഴ് മേഖലകളിൽ നിന്നും ചന്ദനത്തടികൾ മലപ്പുറം ജില്ലയിലേക്ക് കൊണ്ട് പോയി വിൽപ്പന നടത്തുകയാണ് ഇവർ. ചന്ദനത്തടികളുടെ മോഷണവും വിൽപനയും ഇവർ നടത്തുന്നുണ്ട്.
