‘FCRA ബിൽ തിരക്കിട്ട് അവതരിപ്പിക്കുന്നതിന് പിന്നിൽ ഗൂഢലക്ഷ്യം…. കെ സി വേണുഗോപാല്….
വിദേശ സംഭാവന നിയന്ത്രണ നിയമ ഭേദഗതി (എഫ്സിആര്എ) ബില്ലില് പ്രതിഷേധം ശക്തമാക്കി കോണ്ഗ്രസ്. കേരളത്തിലെ എംപിമാര് ഇല്ലാത്ത സമയം നോക്കിയാണ് പാര്ലമെന്റില് ബില്ല് കൊണ്ടുവന്നതെന്ന് സംഘടനാ ചുമതലയുള്ള എഐസിസി ജനറല് സെക്രട്ടറി കെ സി വേണുഗോപാല് എം പി പ്രതികരിച്ചു.
പ്രതിപക്ഷ കക്ഷികള്ക്ക് സ്വാധീനമുള്ള സംസ്ഥാനങ്ങളില് നിയമസഭാ തെരഞ്ഞെടുപ്പ് നടക്കുന്ന സമയത്ത് കേന്ദ്ര സര്ക്കാര് തിരക്കിട്ട് പാര്ലമെന്റില് വിദേശ സംഭാവന നിയന്ത്രണ നിയമ ഭേദഗതി ബില് അവതരിപ്പിക്കുന്നതിന് പിന്നില് ഗൂഢലക്ഷ്യമുണ്ടെന്ന് അദ്ദേഹം പറഞ്ഞു. കുറ്റ്യാടിയില് മാധ്യമങ്ങളോട് പ്രതികരിക്കുകയായിരുന്നു എംപി.
‘ബംഗാള്, കേരളം, തമിഴ്നാട്, അസം തുടങ്ങിയ സംസ്ഥാനങ്ങളില് തെരഞ്ഞെടുപ്പ് നടക്കുന്നതിനാല് പ്രതിപക്ഷത്തെ കുറെയേറെ എംപിമാര് പ്രചാരണത്തിന്റെ തിരക്കിലാണ്. ഈ സമയത്ത് പാര്ലമെന്റ് സമ്മേളനം തന്നെ നടത്താന് പാടില്ലാത്തതാണ്. എന്നിട്ടും സമ്മേളനം നടത്തിയെന്ന് മാത്രമല്ല, സമ്മേളനത്തിന്റെ അവസാന ദിവസങ്ങളിലാണ് തിരക്കിട്ട് ഈ ബില് അവതരിപ്പിച്ചത്’, അദ്ദേഹം പറഞ്ഞു.
