തദ്ദേശ തിരഞ്ഞെടുപ്പിലെ ഇടതുമുന്നണിയുടെ തോല്വിക്ക് കാരണം ഭരണവിരുദ്ധ വികാരം തന്നെ, സിപിഐ
തദ്ദേശ തിരഞ്ഞെടുപ്പിലെ ഇടതുമുന്നണിയുടെ തോല്വിക്ക് കാരണം ഭരണവിരുദ്ധ വികാരം തന്നെയെന്ന് സിപിഐ. സംസ്ഥാന കൗണ്സില് യോഗത്തില് അവതരിപ്പിച്ച റിപ്പോര്ട്ടിലാണ് പരാമര്ശം. ഇടതുമുന്നണിയെ നെ സ്നേഹിച്ച വിവിധ വിഭാഗങ്ങളില് ശക്തമായ വിമര്ശനം നിലനില്ക്കുന്നു. ഇതാണ് ഫലത്തില് തെളിയുന്നത്. വോട്ട് ചെയ്യുമെന്ന് കരുതിയ വിവിധ വിഭാഗം ജനങ്ങള് വോട്ട് ചെയ്തില്ല. മാത്രമല്ല എതിരായി വോട്ട് ചെയ്തതായിട്ടാണ് തിരഞ്ഞെടുപ്പ് ഫലം കാണിക്കുന്നതെന്നും സിപിഐ റിപ്പോര്ട്ടില് പറയുന്നു.
സര്ക്കാരിന്റെ പ്രവര്ത്തനങ്ങളിലെ പോരായ്മ, ശബരിമല വിഷയം, ന്യൂനപക്ഷ ഏകീകരണം, ന്യൂനപക്ഷത്തെ പ്രകോപിപ്പിച്ച് നടത്തിയ പ്രസ്താവനകള് എന്നിവ പരാജയ കാരണമായെന്നും റിപ്പോര്ട്ടില് പറയുന്നു. ഇത് എല്ഡിഎഫ് യോഗത്തില് ഉയര്ന്ന ചര്ച്ചയാണെന്നും റിപ്പോര്ട്ടിലുണ്ട്.
