നെഞ്ചെരിച്ചിലും ഗ്യാസ്ട്രബിളും ആണോ പ്രശ്നം…. പരിഹാരം ഇതിലുണ്ട്…
നെഞ്ചെരിച്ചൽ, ഗ്യാസ്ട്രബിൾ, ഗ്യാസ് നിറഞ്ഞ് വയർ വീർത്തുകെട്ടുക, അസിഡിറ്റി തുടങ്ങിയവയൊക്കെ ദഹനപ്രശ്‌നങ്ങൾ മൂലം പലരെയും അലട്ടുന്ന ബുദ്ധിമുട്ടുകളാണ്. ഇത്തരം പ്രശ്നങ്ങളിൽ നിന്നും ആശ്വാസം ലഭിക്കാനായി ഡയറ്റിൽ ഉൾപ്പെടുത്തേണ്ട ഭക്ഷണങ്ങളെയും പാനീയങ്ങൾ എന്തൊക്കെയാണെന്ന് നോക്കാം…
- തൈര്
പ്രോബയോട്ടിക് ഗുണങ്ങൾ അടങ്ങിയ തൈര് ഡയറ്റിൽ ഉൾപ്പെടുത്തുന്നത് വയറിലെ അസ്വസ്ഥതയെ അകറ്റാനും അസിഡിറ്റി, നെഞ്ചെരിച്ചൽ തുടങ്ങിയ ദഹന പ്രശ്നങ്ങളെ തടയാനും ദഹനം മെച്ചപ്പെടുത്താനും സഹായിക്കും.
- ജീരകം
ആന്റി ഓക്സിഡന്റുകൾ ധാരാളം അടങ്ങിയിട്ടുള്ള ജീരകം ദഹനം എളുപ്പമാക്കാനും ദഹന പ്രശ്നങ്ങളെ തടയാനും സഹായിക്കും. ഇതിനായി ജീരക വെള്ളം ഡയറ്റിൽ ഉൾപ്പെടുത്താം.
- വാഴപ്പഴം
വാഴപ്പഴം ഡയറ്റിൽ ഉൾപ്പെടുത്തുന്നതും ദഹന പ്രശ്നങ്ങൾ പരിഹരിക്കാൻ സഹായിക്കും.
- ഇഞ്ചി ചായ
ദഹനത്തിന് സഹായിക്കുന്ന എൻസൈമുകൾ ഇഞ്ചിയിൽ അടങ്ങിയിരിക്കുന്നു. ഇഞ്ചിയിൽ അടങ്ങിയിരിക്കുന്ന ജിഞ്ചറോളാണ് ഇതിന് സഹായിക്കുന്നത്. അതിനാൽ ഇഞ്ചി ഡയറ്റിൽ ഉൾപ്പെടുത്തുന്നത് വയർ വീർക്കുന്നത് തടയാനും ദഹനം മെച്ചപ്പെടുത്താനും സഹായിക്കും.
- നാരങ്ങാ വെള്ളം
ഇളം ചൂടുവെള്ളത്തിൽ നാരങ്ങാ നീര് ചേർത്ത് ഭക്ഷണത്തിന് മുമ്പ് കുടിക്കുന്നത് ദഹനം മെച്ചപ്പെടുത്താൻ സഹായിക്കും.
- ആപ്പിൾ സൈഡർ വിനഗർ
ആപ്പിൾ സൈഡർ വിനഗറും നെഞ്ചെരിച്ചിൽ, അസിഡിറ്റി എന്നിവയെ തടയാനും ദഹനം മെച്ചപ്പെടുത്താനും സഹായിക്കും. ഇതിനായി 250 മില്ലിലിറ്റര് ഇളം ചൂടുവെള്ളത്തിൽ ഒരു ടേബിൾ സ്പൂൺ ആപ്പിൾ സൈഡർ വിനഗർ ചേർത്ത് കുടിക്കാം. ഭക്ഷണം കഴിക്കുന്നതിന് 15- 30 മിനിറ്റ് മുമ്പ് ഇവ കുടിക്കുന്നതാണ് നല്ലത്.
