പെൺകുട്ടിയെ ട്രെയിനിൽ നിന്ന് ചവിട്ടിയിട്ട സംഭവം….ബാറിൽ കയറി പ്രതിയുടെ മദ്യപാനം…
തിരുവനന്തപുരം: വര്ക്കലയില് ട്രെയിനില് നിന്ന് പെണ്കുട്ടിയെ ചവിട്ടി പുറത്തേക്കിട്ട കേസില് പ്രതി സുരേഷ് കുമാര് മദ്യപിക്കുന്നതിന്റെ നിര്ണായക സിസിടിവി ദൃശ്യം പുറത്ത്. സംഭവം നടന്ന കേരള എക്സ്പ്രസില് കയറുന്നതിന് തൊട്ടുമുന്പ് കോട്ടയത്തെ ബാറില് സുഹൃത്ത് ലാലുവിനൊപ്പം മദ്യപിക്കുന്നതിന്റെ ദൃശ്യമാണ് റെയില്വേ പൊലീസ് ശേഖരിച്ചത്. പെണ്കുട്ടിയെ ആക്രമിക്കുമ്പോള് പ്രതി പൂര്ണമായും മദ്യലഹരിയിലായിരുന്നുവെന്നതിന്റെ തെളിവാണിത്.
കോട്ടയം നാഗമ്പടത്തുള്ള ബാറില് നിന്നുള്ള ദൃശ്യങ്ങളാണ് പുറത്തുവന്നിരിക്കുന്നത്. ഇതില് സുരേഷ് കുമാറും സുഹൃത്തും മദ്യപിക്കുന്നത് വ്യക്തമാണ്. ഇതിന് മുന്പ് ഇരുവരും അതിരമ്പുഴയിലെ ബാറില് കയറിയും മദ്യപിച്ചിരുന്നു. മദ്യപിച്ച് ഫിറ്റായാണ് ഇരുവരും കേരള എക്സ്പ്രസിന്റെ ജനറല് കമ്പാര്ട്ട്മെന്റില് കയറിയത്. ഇതിന് ശേഷമായിരുന്നു പെണ്കുട്ടികളുമായി തര്ക്കമുണ്ടാകുന്നതും ഒരാളെ ട്രെയിനില് നിന്ന് ചവിട്ടി പുറത്തിടുന്നതും.
